ەلىمىزدىڭ مادەنيەت جانە سپورت مينيسترلىگى مەن ءدىن ىستەرى جانە ازاماتتىق قوعام مينيسترلىگى «100 ناقتى قادام» – ۇلت جوسپارىنىڭ 4 باعىتى اياسىندا، اتاپ ايتقاندا 85،86،87،88،89 قادامداردى ىسكە اسىرىپ كەلەدى. ولاردىڭ ىشىندە بۇگىنگى تاڭدا 85، 86، 87 قادامدار ورىندالىپ، 89، 90 قادامدار بويىنشا ناقتى شارالار اتقارىلۋدا.

85-قادام، ياعني «ماڭگىلىك ەل» پاتريوتتىق اكتىسىن جۇزەگە اسىرۋ بويىنشا، بىرتەكتىلىكتى نىعايتۋ جانە قازاقستاندىق بىرلىكتى دامىتۋ تۇجىرىمداماسى ازىرلەندى. 86-قادامدى ىسكە اسىرۋ اياسىندا قازاقستان رەسپۋبليكاسىنىڭ تۋريستىك سالاسىن 2023 جىلعا دەيىن دامىتۋدىڭ جاڭا تۇجىرىمداماسى قابىلداندى. ونىمەن قوسا، جاڭعىرۋ 3.0 اياسىندا تۋريزم سالاسى وتىن-ەنەرگەتيكالىق، اگرارلىق-ونەركاسىپ كەشەندەرى، يندۋستريالاندىرۋ، ساۋدا جانە كولىكپەن قاتار 6 نەگىزگى باسىمدىقتىڭ قاتارىنا قويىلعان. ءتۋريزمدى دامىتۋ ساياساتى گەوگرافيالىق جاعىنان قازاقستاندى تۇتاس قامتيتىن قاجەتتى ينفراقۇرىلىمى بار 6 وڭىرلىك مادەني-تۋريستىك كلاستەرلەردى قۇرۋعا باعىتتالعان. وڭىرلەردىڭ ەرەكشەلىگىن ەسكەرە وتىرىپ، ساكرالدى، ەكولوگيالىق، اڭشىلىق-ولجالىق، مادەني-تانىمدىق، مەديسينالىق، سپورتتىق سياقتى وزگە دە قازاقستان ءۇشىن جاڭا ءتۋريزمنىڭ تۇرلەرىن دامىتۋعا باستى نازار اۋدارىلماق. 87-قادامدى ىسكە اسىرۋ بويىنشا، مادەنيەت جانە سپورت مينيسترلىگى وڭىرلەردە مۋزەيلەر مەن دوستىق ۇيلەرىندە جانە ۇلتتىق مۋزەيدە قحا تاريحى جانە قازاقستاننىڭ كوپ ەتنيكالىعى زالدارىن قۇردى. «قازاقستان ەنسيكلوپەدياسى» ق ر سىم-مەن بىرگە «ۇلى دالا ەلى» قازاقستان تۋرالى سيفرلىق ەنسيكلوپەديا شىعارۋ بويىنشا تولىعىمەن ىسكە اسىرىلعان جوبا رەتىندە باقىلاۋدان الىپ تاستالدى.
ءدىن جانە ازاماتتىق قوعام مينيسترلىگىنىڭ جۇمىسى تۇرعىسىندا اتالعان قادامدى ىسكە اسىرۋ بويىنشا الداعى جۇمىس اياسىندا مەملەكەتتىك الەۋمەتتىك تاپسىرىس سالاسىنا قاتىستى زاڭناماعا وزگەرىستەر ەنگىزۋ كوزدەلگەن. مەملەكەتتىك الەۋمەتتىك تاپسىرىس اياسىندا ۇسىنىلاتىن قىزمەتتەردىڭ ساپاسىن ارتتىرۋ ءۇشىن حالىقارالىق تاجىريبەنى ەسكەرە وتىرىپ، قىزمەت كورسەتۋ نارىعى جەتىلدىرىلەدى. مەملەكەتتىك الەۋمەتتىك تاپسىرىس اياسىندا تاقىرىپتى قالىپتاستىرۋعا قوعامنىڭ قاتىسۋىن كەڭەيتۋ مەملەكەتتىك الەۋمەتتىك تاپسىرىستى باعالاۋ، ۇەۇ قىزمەتتەردىڭ ستاندارتتارىن ەنگىزۋ ارقىلى مەملەكەتتىك الەۋمەتتىك تاپسىرىستى مونيتورينگىلەۋ جانە باعالاۋدىڭ ءبىرىڭعاي جۇيەسى ازىرلەنبەك. 88ء-شى قادام دا ىسكە اسىرىلعانىن اتاپ وتكەنىمىز ءجون.
«نۇرلى بولاشاق» (89-قادام) ۇلتتىق جوباسىنىڭ اياسىندا مەكتەپتىك ءبىلىم بەرۋدىڭ قولدانىستاعى وقۋ باعدارلامالارىنا ماڭگىلىك ەل قۇندىلىقتارىن ەنگىزۋ قاراستىرىلاتىنى بەلگىلى.
اتالعان قادام بويىنشا تىلدەردى دامىتۋ سالاسىندا قازاقستان رەسپۋبليكاسىندا تiلدەردi قولدانۋ مەن دامىتۋدىڭ 2011-2020 جىلدارعا ارنالعان مەملەكەتتiك باعدارلاماسىن ىسكە اسىرۋدىڭ ءىى كەزەڭى (2014-2016 جىلدار) اياقتالىپ، قازاقستان رەسپۋبليكاسىنداعى تiلدەردi قولدانۋ مەن دامىتۋ مەملەكەتتiك باعدارلاماسىن ىسكە اسىرۋدىڭ 2017-2019 جىلدارعا ارنالعان شارالار جوسپارى بەكىتىلگەن. مەملەكەتتىك باعدارلامانىڭ ءۇشىنشى كەزەڭى (2017-2019 جج.) اياسىندا مەملەكەتتىك ءتىلدى وقىتۋدىڭ ءادىسناماسىن جەتىلدىرۋ، مەملەكەتتىك ءتىلدى وقىتۋ پروسەسىن ىنتالاندىرۋ، ءتىل مادەنيەتىن جەتىلدىرۋ، قازاقستانداعى تىلدىك ءارالۋاندىقتى ساقتاۋ، قولداۋ، اعىلشىن جانە باسقا دا شەت تىلدەرىن وقىپ-ۇيرەنۋ باعىتىنداعى جۇمىستار جالعاسپاق. بۇل ورايدا مەملەكەتتىك ءتىلدى دارىپتەۋ جانە وزگە تىلدەردى ءبىلۋ ماقساتىندا رەسپۋبليكالىق كونكۋرستاردىڭ («تەكتى ءسوزدىڭ تورەسى – تەرمە»، «مەملەكەتتىك ءتىل جانە ب ا ق»، اباي اتىنداعى كوركەمسوز وقۋ شەبەرلەرىنىڭ ءداستۇرلى رەسپۋبليكالىق بايقاۋى، «مەملەكەتتىك ءتىل – مەملەكەتتىك قىزمەتتە»، «ءتىل شەبەرى»، «ءتىلدارىن») ەرەجەلەرى ازىرلەنگەن. سونىمەن قاتار بيىل 15 اقپاندا قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق تەرمينولوگيا كوميسسياسىنىڭ وتىرىسى وتكىزىلىپ، زاڭنامالىق اكتىلەردە ءجيى قولدانىلاتىن تەرميندەر، سونداي-اق مادەنيەت سالاسى تەرميندەرى قاراستىرىلدى. كوميسسيا شەشىمى بويىنشا 100-دەن اسا تەرمين بەكىتىلىپ، اتاۋلاردى وزگەرتۋگە بايلانىستى 28 ۇسىنىس قابىلداندى. «مەملەكەتتىك ءتىلدى وقىتۋ: ءادىس، تاجىريبە، يننوۆاسيا» تاقىرىبىندا رەسپۋبليكالىق سەمينار-كەڭەس بولىپ ءوتتى. ءىس-شارا مەملەكەتتىك ءتىلدى وقىتۋ ادىستەمەسىن جەتىلدىرۋ، تاجىريبە الماسۋ ماقساتىندا ۇيىمداستىرىلدى. بۇدان بولەك، ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن تالقىلاۋ ماقساتىندا «تامىرى تەرەڭ ءالىپبي: جالپىتۇركىلىك بىرەگەيلىكتىڭ مىزعىماس نەگىزى» اتتى حالىقارالىق عىلىمي-پراكتيكالىق كونفەرەنسيا وتكىزىلدى. وسى قادامنىڭ اياسىندا قولعا الىنعان ءىس-شارالار قاتارىندا استانا قالاسىندا وتكىزىلگەن «قازىرگى تەرمينجاسامنىڭ وزەكتى ماسەلەلەرى» اتتى سەمينار-كەڭەستى، سونداي-اق شىمكەنت قالاسىندا «ونوماستيكا سالاسىنداعى جۇمىستاردى ۇيىمداستىرۋدىڭ وزەكتى ماسەلەلەرى» تاقىرىبىندا رەسپۋبليكالىق سەميناردى ايتۋىمىزعا بولادى. بارشا قاۋىمعا بەلگىلى، بيىل ەلوردامىزدا 22-25 ماۋسىم ارالىعىندا دۇنيەجۇزى قازاقتارىنىڭ V قۇرىلتايى وتكىزىلىپ، وعان الەمنىڭ 39 ەلىنەن 350-گە جۋىق ادام شاقىرىلدى. قۇرىلتاي اياسىندا مەملەكەت باسشىسىنىڭ قاتىسۋىمەن سالتاناتتى جيىن وتكىزىلدى، ءبىرقاتار مينيسترلىكتەردە دوڭگەلەك ۇستەلدەر ۇيىمداستىرىلدى، ەكسپو پاۆيلونىنا بارۋ جانە ت.ب. شارالار اتقارىلدى.
ءدىن ىستەرى جانە ازاماتتىق قوعام مينيسترلىگىنىڭ جۇمىسى بويىنشا، جاستاردىڭ تابىستى الەۋمەتتەنۋىنە باعىتتالعان، مەملەكەتتىك ­جاستار ساياساتىنىڭ ءتيىمدى مودەلىن قالىپتاستىرۋدى اياقتاۋ مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىنىڭ ەكىنشى كەزەڭىنىڭ نەگىزگى ماقساتى بولىپ تابىلادى. بيىل 10 قاڭتاردا قازاقستان رەسپۋبليكاسى ۇكىمەتىنىڭ وتىرىسى وتكىزىلىپ، وندا مەملەكەتتىك جاستار ساياساتىن ىسكە اسىرۋدىڭ وزەكتى ماسەلەلەرى تالقىلاندى.
«اقپاراتتىق قامتۋ جانە ىلگەرىلەتۋ (90-قادام) بويىنشا مادەنيەت جانە سپورت مينيسترلىگى تاراپىنان قازاقستاندىق مادەنيەتتى، تاريحي تۇلعالار مەن قازىرگى زامان قايراتكەرلەرىن تانىتۋ ماقساتىندا ەلىمىزدىڭ ەجەلگى كەزەڭىنەن بەرگى تاريحى، قازاقستاندىق مادەنيەت، ەلىمىزدىڭ قازىرگى زامانعى ءومىرى، تاريحي تۇلعالار مەن ازاماتتار – «ءبىزدىڭ زامانىمىزدىڭ قاھارماندارى» تۋرالى باياندايتىن اۋقىمدى كينو- جانە تەلەجوبالاردى جاساۋ جونىندە 2015-2020 جىلدارعا ارنالعان «ماڭگىلىك ەل» كەشەندى جوسپارى ىسكە اسىرىلۋدا. تاقىرىپتىق جوسپارعا سايكەس قولعا الىنعان كوپتەگەن كينوتۋىندىلاردى ايتۋىمىزعا بولادى.

ايتۋعان داۋلەت