«قازگيدرومەت» 31 شىلدەگە ارنالعان اۋا رايى بولجامىن جاريالادى، دەپ جازادى Qamshy.kz اقپارات اگەنتتىگى.

اتموسفەرالىق اۋا اعىندارىنىڭ وتۋىنە بايلانىستى قازاقستاننىڭ  باسىم ايماقتارىندا تۇراقسىز اۋا رايى ساقتالادى. جاڭبىر كۇتىلەدى، نايزاعاي بولادى، جەلدىڭ كۇشەيۋى، بۇرشاق، داۋىل بولۋى مۇمكىن. رەسپۋبليكانىڭ وڭتۇستىك-باتىسىندا، وڭتۇستىگىندە  جانە وڭتۇستىك-شىعىسىندا جاۋىن-شاشىنسىز اۋا رايى ساقتالادى.

كۇندىز اقمولا، اتىراۋ، باتىس قازاقستان، اقتوبە، پاۆلودار، شىعىس قازاقستان وبلىستارىندا جانە تۇندە سولتۇستىك  قازاقستان وبلىسىنىڭ كەي جەرلەرىندە نايزاعاي، بۇرشاق، داۋىل بولۋى مۇمكىن، جەل 15-20 م/س كۇشەيۋى كۇتىلەدى.

وڭتۇستىك قازاقستان، قىزىلوردا، جامبىل وبلىستارىندا قاتتى جەل سوعادى.

كۇندىز الماتى، جامبىل، وڭتۇستىك قازاقستان، اتىراۋ، قوستاناي وبلىستارىندا جانە كىزىلوردا، ماڭعىستاۋ، باتىس قازاقستان، قاراعاندى، اقتوبە وبلىستارىنىڭ كەي جەرلەرىندە قاتتى ىستىق كۇتىلەدى.

اتىراۋ، قىزىلوردا، وڭتۇستىك قازاقستان، جامبىل، الماتى وبلىستارىندا جانە باتىس قازاقستان،  اقتوبە، قاراعاندى وبلىستارىنىڭ كەي جەرلەردە ءورت ءقاۋپى ساقتالادى.