ۇلىبريتانيا بيلىگى ەلدەن كەتىپ، ەكسترەميستەرگە قوسىلعان 150-دەن استام ادامدى ازاماتتىعىنان ايىرىپ، ەلگە كىرۋگە تىيىم سالدى. بۇل تۋرالى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ حابارلايدى. ولاردىڭ كوبى سيرياداعى «يراك جانە ليەۆانت لاڭكەستىك ۇيىمىنا» قوسىلعان ەر-ازاماتتار مەن سودىرلارعا تۇرمىسقا شىققان بويجەتكەندەر.

ارنايى قىزمەتتىڭ مالىمەتىنە قاراعاندا، جىل باسىنان بەرى 40 ازاماتتىڭ ءتولقۇجاتىنىڭ كۇشى جويىلعان. بۇعان دەيىن قاۋىپسىزدىك ورگانى سيرياعا بارىپ قايتقان 350 ازاماتتى قارا تىزىمگە ەنگىزگەنى تۋرالى حابارلاعان بولاتىن.

ال جالپى قاقتىعىس ايماعىنا 850 ادام ساپار شەگىپ، ولاردىڭ 15%-ى سول جاقتا قازا تاپتى. ءقازىر ەل اۋماعىندا لاڭكەستىك جاساۋى مۇمكىن دەگەن كۇدىكپەن 3 مىڭعا جۋىق ازامات باقىلاۋعا الىنعان.