اقش پەن ونىڭ وداقتاستارى كحدر-عا جاۋاپ رەتىندە جويقىن، ءارى كۇشتى سوققى جاساۋعا دايىن. بۇل جايىندا اقش-تىڭ تىنىق مۇحيت جاعالاۋىنداعى ۆۆس ارناسىنىڭ باسشىسى تەررەنس و’شونەسسي ءمالىم ەتتى، دەپ حابارلايدى Qamshy.kz اقپارات اگەنتتىگى.

گەنەرالدىڭ ايتۋىنشا، سولتۇستىك كورەيا «ايماقتىق تۇراقتىلىققا قاتىستى تىكەلەي قاتەر» بولىپ قالادى. الايدا، سولتۇستىك كورەيا ماسەلەسىن شەشۋ ءۇشىن ديپلوماتيا باسىم بولۋ قاجەت.

«ەگەر بۇيرىق بەرىلسە، ءبىز ءوزىمىز تاڭداعان جەرگە جويقىن ءارى كۇشتى سوققى جاساۋعا دايىنبىز»، - دەيدى تەررەنس و’شونەسسي.

ەستەرىڭىزگە سالا كەتسەك، 29 شىلدەدە سولتۇستىك كورەيا جاپونياداعى حوككايدو ارالىنا قاراي باعىتتالعان بالليستيكالىق راكەتانى ىسكە قوسىپ، سىناقتان وتكىزگەن بولاتىن. پحەنيان دا بالليستيكالىق زىمىراندى العاش رەت تۇنگى ۋاقىتتا ىسكە قوسىپ، سىناق جۇرگىزگەن.

كحدر «حۆاسون-14» بالليستيكالىق زىمىرانىنىڭ ءساتتى تۇردە ىسكە قوسىلعاندىعىن مالىمدەگەن بولاتىن. دەرەكتەرگە سايكەس، زىمىراننىڭ ۇشۋ ۋاقىتى 47 مينۋت 12 سەكۋندقا دەيىن جەتكەن. ال ونىڭ ۇشۋ قاشىقتىعى 998 شاقىرىم بولسا، ماكسيمالدى بيىكتىگى 3724،9 مىڭعا دەيىن بارعان.