اقش دۇيسەنبى كۇنى جاپونياعا 4 گەكتار جەردى قايتارىپ بەردى. «فۋتەمما» اسكەري بازاسى ءۇشىن الىنعان وكيناۆاداعى گينوۆان قالاسىنىڭ ورتالىعىندا ورنالاسقان 481 گەكتار جەردىڭ تەك 0،8%-ى عانا قايتارىلعان. بۇل جەردى قايتارۋ تۋرالى كەلىسىمشارت 2016 جىلدىڭ جەلتوقسانىندا جاسالعان بولاتىن. بۇل تۋرالى Qamshy.kz اقپارات اگەنتتىگى ريا نوۆوستي-گە سىلتەمە جاساپ حابارلايدى.

وسىدان 20 جىل بۇرىن جاپونيا ۇكىمەتى اقش-تىڭ گينوۆانداعى  اسكەري بازاسىن جابۋ تۋرالى شەشىم قابىلداعان. الدىمەن بازانى پەرفەكتۋرادان مۇلدەم تىس جەرگە كوشىرۋ جوسپارلانعان. سودان كەيىن اسكەري بازانىڭ ارال ىشىندە ورىن اۋىستىرىپ جاڭا اەرودروم سالىنۋ قولعا الىندى.

وكيناۆا ارالىندا اقش-تىڭ 74% اسكەري وبەكتىلەرى مەن امەريكاندىقتاردىڭ جارتىدان كوپ قارۋلى كۇشتەرى  ورنالاسقان. بۇل ارالدا 25،8 مىڭ امەريكاندىق اسكەريلەر قىزمەت ەتەدى.