ق ر ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ جاڭا وقۋ جىلىنا ارنالعان جالپىرەسپۋبليكالىق «مەكتەپكە جول» قايىرىمدىلىق اكسياسى باستالدى. 1 تامىز بەن 30 قىركۇيەك ارالىعىندا وتەتىن ءداستۇرلى شارادا رەسپۋبليكا بويىنشا 3000 وقۋشىعا كومەك كورسەتىلىپ، وقۋ-قۇرالىمەن قامتاماسىز ەتىلەدى. ولار - كوپ بالالى وتباسىلار، جەتىم بالالار مەن اتا-اناسىنىڭ قامقورلىعىنسىز قالعان مەكتەپ وقۋشىلارى دەپ حابارلايدى Qamshy.kz اقپارات اگەنتتىگى. 

بۇگىن ورتالىق كوممۋنيكاسيالار قىزمەتى الاڭىندا «مەكتەپكە جول» جالپىرەسپۋبليكالىق اكسياسىنىڭ باستالۋىنا وراي باسپاسوز-كونفەرەنسياسى ءوتتى. «مەكتەپكە جول» اكسياسى 10 جىلدان بەرى ەلىمىزدە ۇزبەي وتكىزىلەتىن شارا. اكسيا اياسىندا وقۋشىلاردى جاڭا وقۋ جىلىنا دايىنداپ، الەۋمەتتىك سەبەپ-سالدارىنان مەكتەپكە بارا الماي قالعان بالاعا كاسىپكەرلەر مەن ەرىكتىلەر كومەك كورسەتە الادى.

«ءبىزدىڭ ماقسات،  از قامتىلعان جانە كوپ بالالى وتباسىلار، جەتىم بالالار مەن اتا-اناسىنىڭ قامقورلىعىنسىز قالعان بالالار ىشىنەن وقۋشىلارعا جاڭا وقۋ جىلىنا دايىندىق كەزەڭىندە جانە الەۋمەتتىك سەبەپتەر بويىنشا بالالاردىڭ مەكتەپكە بارماۋىن الدىن الۋ ءۇشىن كومەك كورسەتۋ بولىپ تابىلادى. ايتالىق، بىلتىر رەسپۋبليكا بويىنشا 320 000 بالاعا 2 ملرد. استام قارجىعا وقۋعا كەرەكتى قۇرال جابدىقتارىن الىپ بەردىك»،-دەدى ق ر ءبىلىم جانە عىلىم مينيسترىلىگى بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى مانشۇك ابدىكارىم.

سونداي-اق، باسپا ءسوز كونفەرەنسياعا ق ر ءبىلىم جانە عىلىم مينيسترىلىگى مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى  زەينەپ ماقسۇتوۆا، ق ر ءىىم اكىمشىلىك پوليسيا كوميتەتى يۋۆينالدى پوليسيا ءبولىمىنىڭ باسشىسى اسەت وسپانوۆ، الەۋمەتتىك كومەك دەپارتامەنتى ازاماتتاردىڭ جەكەلەگەن ساناتتارىن الەۋمەتتىك قورعاۋ ىستەرى باسقارماسىنىڭ باسشىسى  ماكسيم چاركين جانە «نۇر وتان» پارتياسىنىڭ ورتالىق اپپاراتى ساياسي جۇمىس دەپارتامەنتىنىڭ ديرەكتورى مارات ءابساتتاروۆ قاتىستى.

ق ر ءىىم اكىمشىلىك پوليسيا كوميتەتى يۋۆينالدى پوليسيا ءبولىمىنىڭ باسشىسى اسەت وسپانوۆ باسپا ءسوز كونفەرەنسيادا مەكتەپكە بارمايتىن بالالاردى رەيدتىك ءىس-شارالار، پاتەرلەردى ارالاۋ ارقىلى انىقتاۋعا، مەكتەپكە دايىنداۋ بويىنشا الەۋمەتتىك قورعالماعان وتباسىدان شىققان بالالارعا كومەك كورسەتۋگە اسا كوڭىل اۋدارىلمايتىنىن ايتتى.