وتىرىس اياسىندا ءمامس ەنگىزۋ تاقىرىبىندا ق ر دەنساۋلىق ساقتاۋ ءمينيسترى ە. ءبىرتانوۆ، «الەۋمەتتىك مەديسينالىق ساقتاندىرۋ قورى» كوممەرسيالىق ەمەس اكسيونەرلىك قوعامى باسقارماسىنىڭ ءتوراعاسى ە. باحمۋتوۆا، ماڭعىستاۋ وبلىسىنىڭ اكىمى ە. توعجانوۆ، اقمولا وبلىسىنىڭ اكىمى م. مىرزالين جانە اتىراۋ وبلىسى اكىمىنىڭ ءبىرىنشى ورىنباسارى س. لۇقپانوۆ بايانداما جاسادى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.
باقىتجان ساعىنتايەۆ دەنساۋلىق ساقتاۋ، اقپارات جانە كوممۋنيكاسيالار مينيسترلىكتەرىنە وبلىستاردىڭ، استانا، الماتى قالالارىنىڭ اكىمدىكتەرىمەن بىرگە جۇمىس بەرۋشىلەر، كاسىپكەرلەر جانە ءوزىن-وزى جۇمىسپەن قامتىعان ازاماتتار اراسىندا ءاقپاراتتىق-تۇسىندىرۋ جۇمىسىن جانداندىرۋدى تاپسىردى. بۇدان وزگە، مەملەكەتتىك كىرىستەر كوميتەتىمەن بىرگە جۇمىس بەرۋشىلەر مەن جەكە كاسىپكەرلەردىڭ اۋدارىمدارى مەن جارنالارىن تولەۋ بويىنشا اپتا سايىنعى مونيتورينگ جۇرگىزۋ تاپسىرىلدى.
سونداي-اق، پرەمەر-مينيستر تابىستارى تومەن، نەمەسە جوق ازاماتتارعا باسا نازار اۋدارۋدى تاپسىردى. وعان بەيرەسمي سەكتور جۇمىسشىلارى، تىركەلمەگەن جۇمىسسىزدار، مارتەبەسى جوق تۇلعالار جاتادى.
بۇل ازاماتتار مىندەتتى الەۋمەتتىك مەديسينالىق ساقتاندىرۋ جۇيەسىنەن تىس قالماۋى ءۇشىن ەڭبەك جانە حالىقتى الەۋمەتتىك قورعاۋ مينيسترلىگىنە وبلىستاردىڭ، استانا، الماتى قالالارىنىڭ اكىمدەرىمەن بىرگە كەلەسىلەردى پىسىقتاۋ تاپسىرىلدى:
- وسىنداي تۇلعالاردى ولاردىڭ مالىمەتتەرىن (جسن، مەكەن-جايى، تەلەفونى جانە ت. ب.) كورسەتە وتىرىپ، سايكەستەندىرۋ تەتىگى؛
- مىندەتتى الەۋمەتتىك مەديسينالىق ساقتاندىرۋ جۇيەسىمەن قامتۋ ماقساتىندا ولاردى جۇمىسپەن قامتاماسىز ەتۋ شارالارى.
سونداي-اق، دەنساۋلىق ساقتاۋ مينيسترلىگىنە «مىندەتتى الەۋمەتتىك مەديسينالىق ساقتاندىرۋ تۋرالى» زاڭعا جاقىندا ەنگىزىلگەن وزگەرىستەردى ەسكەرە وتىرىپ، اعىمداعى جىلدىڭ تامىزىنىڭ سوڭىنا دەيىن مىندەتتى الەۋمەتتىك مەديسينالىق ساقتاندىرۋدىڭ نورماتيۆتىك قۇقىقتىق اكتىلەرىن ازىرلەۋدى جەدەلدەتۋ تاپسىرىلدى.
