جۇڭگو بيلىگىنىڭ ايتۋىنشا، كورەي ەلىندە بولىپ جاتقان جاعدايلارعا پەكين ەمەس، ۆاشينگتون مەن پحەنيان جاۋاپتى. بۇل جايىندا بۇۇ جۇڭگو ەلىنىڭ وكىلى ليۋ سزەي مالىمدەدى، دەپ حابارلايدى Qamshy.kz اقپارات اگەنتتىگى Centralasian.org سايتىنا سىلتەمە جاساپ.
ليۋ سزەيدىڭ ايتۋىنشا، جالعىز جۇڭگو ەلىنىڭ تالپىنىسى ەشقانداي دا ناتيجە بەرمەيدى، سەبەبى اتالمىش جايتقا كحدر مەن اقش جاۋاپتى. سونىمەن قاتار، پحەنيان مەن ۆاشينگتون كورەي تۇبەگىندەگى شيەلەنىستىڭ ارتا تۇسۋىنە جانە دە كەلىسسوزدەردى جالعاستىرعىسى كەلمەۋى ءۇشىن جاۋاپتى ەكەندىگىن قوسا ايتىپ ءوتتى.
ەستەرىڭىزگە سالا كەتسەك، اقش پرەزيدەنتى دونالد ترامپ سولتۇستىك كورەيانىڭ يادرولىق سىناعىن تەجەۋگە كومەك كورسەتپەگەنى ءۇشىن جۇڭگو بيلىگىن سىنعا العان بولاتىن.
