شىلدە ايىندا مىندەتتى الەۋمەتتىك مەديسينالىق ساقتاندىرۋ جۇيەسىنە 0،8 ملرد.تەڭگە كولەمىندە جارنا (اۋدارىمدار) ءتۇستى دەپ حابارلايدى Qamshy.kz اقپارات اگەنتتىگى.
بۇل تۋرالى بۇگىن ق ر ۇكىمەتىندە ۇلت جوسپارىنىڭ 80ء-شى قادامىن ىسكە اسىرۋ شەڭبەرىندە «مىندەتتى الەۋمەتتىك مەديسينالىق ساقتاندىرۋدى ەنگىزۋ» ماسەلەلەرىنە ارنالعان بريفينگتە ق ر دەنساۋلىق ساقتاۋ ءمينيسترى ەلجان ءبىرتانوۆ حابارلادى.
ۆەدومستۆو باسشىسىنىڭ ايتۋىنشا، 2017 جىلى 23 ملرد. تەڭگە كولەمىندە مىندەتتى ساقتاندىرۋ جارناسى ءتۇسۋى ءتيىس. ونىڭ 95% جۇمىس بەرۋشىلەردىڭ اۋدارىمدارى بولسا، 5% جارنالارعا تيەسىلى بولماق.
سونىمەن قاتار، مينيستر قازىرگى تاڭدا مۇددەلى مەملەكەتتىك ورگاندارمەن، مەديسينالىق ساقتاندىرۋ قورىمەن جانە «ازاماتتارعا ارنالعان ۇكىمەت» كورپوراسياسىمەن بىرلەسىپ اقپاراتتىق جۇيەلەردى ىقپالداستىرۋ شارالارى اتقارىلىپ جاتقانىن حابارلادى. وعان قوسا، ەلەكتروندى دەنساۋلىق پاسپورتىن ازىرلەۋ، جەرگىلىكتى مەديسينالىق اقپاراتتىق جۇيەلەردى قالىپتاستىرۋ جۇمىستارى دا جالعاسىن تاۋىپ جاتىر.
الەۋمەتتىك مەديسينالىق ساقتاندىرۋ قورىنىڭ مالىمەتى بويىنشا، 2017 جىلدىڭ شىلدەسىندە جۇيەگە تۇسكەن قارجى كولەمى 800 ملن. تەڭگەگە جۋىقتاعان. تۇسىمدەردىڭ باسىم بولىگى ياعني، 44% بيىلعى جىلدىڭ ەكىنشى جارتىسى ءۇشىن اۆانس تۇرىندە تولەنگەن تولەمدەر بولىپ تابىلادى.
اۋدارىمدار مەن جارنالاردى تولەۋ جاعىنان كوش باسىندا ەلىمىزدىڭ 4 ءوڭىرى تۇر. ولار: شىعىس قازاقستان، قاراعاندى، قوستاناي جانە الماتى وبلىستارى.
«بۇگىنگى كۇنگە دەيىن جاسالعان اۋدارىمدار كولەمى 2017 جىلعا جاسالعان بولجامدارمەن سايكەس كەلەدى. الداعى تامىز ايىندا قورعا تۇسەتىن تۇسىمدەردىڭ كولەمى ارتۋى ءتيىس. سەبەبى شىلدە ايىنىڭ تولەمدەرىن اۋدارۋ مەرزىمى تامىز ايىنىڭ 25-ىندە اياقتالادى»، -دەدى «الەۋمەتتىك مەديسينالىق ساقتاندىرۋ قورى» كەاق-نىڭ باسقارما ءتوراعاسى ەلەنا باحمۋتوۆا.
بۇعان دەيىن حابارلانعانداي، 2017 جىلدىڭ 1 شىلدەسىنەن باستاپ مىندەتتى الەۋمەتتىك مەديسينالىق ساقتاندىرۋ جۇيەسى ىسكە قوسىلعان بولاتىن. بيىل اۋدارىمدار مەن جارنالاردى جۇمىس بەرۋشىلەر، جەكە كاسىپكەرلەر مەن ازاماتتىق-قۇقىقتىق سيپاتتاعى كەلىسىمشارت نەگىزىندە ەڭبەك ەتەتىن ازاماتتار تولەيدى.
وسى نورماعا سايكەس، جۇمىس بەرۋشى اي سايىن قاراماعىنداعى جۇمىسكەر جالاقىسىنىڭ 1% كولەمىندە اۋدارىم اۋدارادى. ءبىراق اۋدارىم سوماسى 3668،9 مىڭ تەڭگەدەن اسپاۋى ءتيىس (بۇل – 15 تومەنگى ايلىق جالاقىنىڭ 1%).
جەكە كاسىپكەرلەر مەن وسى ساناتقا جاتقىزىلعان جەكە مەنشىك ادۆوكاتتار جانە نوتاريۋستار، كاسىبي مەدياتورلار دا جارنانى 2017 جىلدىڭ 1 شىلدەسىنەن باستاپ اۋدارادى. بۇل ساناتتاعىلار جارناسى 2 تومەنگى ايلىق جالاقىنىڭ 5 پايىزىن نەمەسە 2017 جىل ءۇشىن 2445،9 تەڭگەنى قۇراماق. سونىمەن قاتار جەكە كاسىپكەرلەر قاراماعىنداعى جۇمىسكەرلەر ءۇشىن جۇمىس بەرۋشى رەتىندە جارنا اۋدارادى.
سونىمەن قاتار، 1 شىلدەدەن باستاپ ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن جۇمىسكەرلەر دە جارنا اۋدارۋعا مىندەتتى. بۇل توپ تاپقان تابىسىنىڭ 5 پايىزى كولەمىندە جارنا اۋدارادى. دەگەنمەن اتالعان ساناتتاعى ازاماتتاردىڭ جارنا ەسەپتەلەتىن تابىسىنىڭ ەڭ جوعارعى مولشەرى 15 تومەنگى ايلىق جالاقىدان اسپاۋى ءتيىس. جارنالار مەن اۋدارىمداردىڭ ناقتى سوماسىن قوردىڭ fms.kz سايتى ارقىلى ەسەپتەپ بىلۋگە بولادى. تولەۋشىلەرگە ارنالعان نۇسقاۋلىق پەن جارنا ەسەپتەيتىن كالكۋلياتور سايتتىڭ باستى بەتىندە ورنالاسقان.
ەستەرىڭىزگە سالا كەتسەك، 2018 جىلدىڭ 1 قاڭتارىنان باستاپ ساقتاندىرۋ جۇيەسىنە مەملەكەت پەن ءوزىن-وزى جۇمىسپەن قامتىعاندار قوسىلادى. مەملەكەت جەڭىلدىگى بار 14 ساناتتاعى 10 ملن. ازامات ءۇشىن جارنا تولەيدى. ولاردىڭ قاتارىندا جۇمىسسىز رەتىندە رەسمي تىركەلگەندەر، زەينەتكەرلەر، بالالار ت.ب. بار. ال، جۇمىسكەرلەر جارنانى 2019 جىلدىڭ ءبىرىنشى قاڭتارىنان باستاپ اۋدارادى. تولەنەتىن جارنا مولشەرى: 2019 جىلى – جالاقىنىڭ 1 پايىزىن، 2020 جىلى – 2 پايىزىن قۇراماق.
ساقتاندىرىلعان ازاماتتار ءمامس پاكەتى شەڭبەرىندەگى مەديسينالىق كومەكتى 2018 جىلدان باستاپ پايدالانا الادى. Cەبەبى جەكە مەنشىك كلينيكالارمەن جانە مەملەكەتتىك ەمدەۋ مەكەمەلەرىمەن مەديسينالىق قىزمەت كورسەتۋ تۋرالى كەلىسىمشارتتار سول كەزگە دەيىن بەكىتىلىپ ءبىتۋى ءتيىس. سونداي-اق، ەلىمىزدىڭ بارلىق تۇرعىندارى الەۋمەتتىك ماڭىزى بار اۋرۋلارعا قوسا، جەدەل جاردەم، شۇعىل كومەك، سانيتارلىق اۆياسيا شىعىندارىن جاباتىن كەپىلدەندىرىلگەن تەگىن مەديسينالىق كومەك پاكەتىن پايدالانا الادى.
الداعى 2 جىلدا (2018-2019 جج.) ساقتاندىرىلماعاندار ءۇشىن جەڭىلدىك مەرزىمى قاراستىرىلعان. جارنا تولەمەگەن ازاماتتار امبۋلاتورلىق كومەك پەن شۇعىل جاعدايلار تۋىنداعاندا كورسەتىلەتىن ستاسيونارلىق كومەكتى تەگىن پايدالانادى.
