اقش پرەزيدەنتى دونالد ترامپ رەسەيگە قارسى سانكسيالار ەنگىزۋ تۋرالى زاڭعا قول قويدى. بۇل سانكسيالاردى ەنگىزۋدى بولدىرتپاۋ ءۇشىن ماسكەۋ ءوزىنىڭ مىندەتتەرىن ورىنداۋى ءتيىس دەدى ءوز مالىمدەمەسىندە اقش-تىڭ  ۆيسە-پرەزيدەنتى مايكل پەنس. بۇل تۋرالى Qamshy.kz اقپارات اگەنتتىگى نتۆ-عا سىلتەمە جاساپ حابارلايدى.

مايكل پەنس: «ءبىز سانكسيانىڭ ىسكە اسپاۋىن تىلەيمىز. ءبىراق ول ءۇشىن رەسەي ءوز موينىنا العان مىندەتتەرىن ورىنداۋى كەرەك. الايدا رەسەيدىڭ سوڭعى ديپلوماتيالىق قادامدارى ولاردىڭ وزدەرىنە تيەسىلى مىندەتتەرىن ورىنداماي جاتقاندىعىن بايقاتادى».

زاڭ بويىنشا، امەريكاندىق كومپانيالار مەن جەكە تۇلعالارعا رەسەيدىڭ سانكسيالانعان بانكتەرىمەن كەلىسىمگە كەلۋ جۇزەگە اسپايتىن بولادى. سونىمەن بىرگە رەسەيلىك ەنەرگەتيكالىق سەكتورعا دا شەكتەۋ قويىلدى. اقش كونگرەسسمەندەرى سانكسيالانعان رەسەيلىك ەنەرگەتيكالىق كومپانيالارمەن كەلىسىمدەردى قىسقارتپاق (90 كۇننەن 60 كۇنگە).