سيريانىڭ سولتۇستىگىندە سوعىسقا قاتىسقان بىرنەشە ازامات تۇتقىندالدى. ولار كوپتەگەن مەملەكەتتەردە تىيىم سالىنعان تەرروريستەردەن تۇراتىن دايش ۇيىمىنا جاقتاسىپ سوعىسقان دەگەن بولجامدار جاسالدى، دەپ جازادى Qamshy.kz اقپارات اگەنتتىگى.

ازاماتتاردىڭ ناقتى سانى جاريالانعان جوق. شۆەسيانىڭ راديوباعدارلاماسى تۇتقىنداردىڭ اراسىندا شۆەدتەردىڭ دە بار ەكەنىن مالىمەدەدى.

«سولتۇستىك ەۋروپادان شىققان دايش اسكەرلەرى ۇستالىپ، سيريانىڭ سولتۇستىگىندە روجاۆا اۋدانىندا قاماۋدا وتىر. روجاۆا سيريانىڭ سولتۇستىگىندە قۇرىلعان اكىمشىلىك بىرلىك، سونداي-اق اسكەري قورعانىس قۇرىلىمى. جەرگىلىكتى مالىمەتتەرگە سۇيەنسەك، ۇستالعانداردىڭ اراسىندا شۆەدتەردىڭ دە بارى انىقتالعان»، - دەپ حابارلايدى شۆەسيالىق راديوباعدارلاما.

شۆەسيا پوليسەيلەرىنىڭ ايتۋىنشا، 2012 جىلدان 2016 جىلعا دەيىن ەلدەن دايش سىندى تەرروريستىك ۇيىمدارمەن توپتاسۋ ءۇشىن 300 ادام شىققان. 

شۆەسيالىق ساراپشىلاردىڭ دەرەگىنە سۇيەنسەك، 2016 جىلدىڭ كۇزىندە 106 ادام ەلگە قايتقان. قالعان 112ء-سى سيريا مەن يراكتى تۇراقتاپ قالدى. 49 ادام كوز جۇمدى.