دەناۋلىق ساقتاۋ ءمينيسترى ەلجان ءبىرتانوۆ قازاقستاندا دارىگەرلەردىڭ ەڭبەكاقىسى پاسيەنتتەردىڭ وڭ باعاسى مەن اقپاراتتىق جۇيەدەگى رەيتينگىنە بايلانىستى بولاتىنىن مالىمدەدى، - دەپ حابارلايدى Qamshy.kz  اقپارات اگەنتتىگى سىلتەمە جاساي وتىرىپ tengrinews.kz.

«دارىگەرلەر جۇمىسىنىڭ ساپاسىنا بايلانىستى ەڭبەكاقى العانى ماڭىزدى. ال بۇل ساپانى پاسيەنتتەر انىقتايتىنى بەلگىلى. سول ءۇشىن ادام كونسۋلتاسيا الۋ ءۇشىن اقپاراتتىق جۇيە ارقىلى دارىگەرلەر تۋرالى پىكىر وقىپ، كىمگە باراتىنىن ءوزى تاڭداي الاتىنداي جۇيە قۇرعىمىز كەلەدى.

بۇل باعالاۋدىڭ اقپاراتتىق جۇيەسى ارقىلى ىسكە اسىرىلادى. ءار پاسيەنت بىلايشا ايتقاندا «لايك» قوياتىن بولادى. بۇل «جۇلدىزشالار» جۇيەدە كورىنىپ وتىرادى، ال قور وسى جاۋاپتاردىڭ قورىتىندىسى بويىنشا قانشا تولەيتىنىن شەشەدى. بۇل كەرى بايلانىستىڭ ءبىر ءتۇرى»،- دەيدى ەلجان ءبىرتانوۆ. 

ءمينيستردىڭ ايتۋىنشا، پاسيەنت بىلىكتىلىگى جوعارى مامانعا كەزەككە تۇرا ما، الدە رەيتينگى تومەندەۋ، ءبىراق بوس ۋاقىتى بار دارىگەرگە بارا ما ءوزى تاڭدايتىن بولادى.