ياكۋتيانىڭ «حالىقتار دوستاستىعى» مەدالىمەن «جۇلدىز» بالالار قوعامدىق ۇيىمدارىنىڭ وداعى» قوعامدىق بىرلەستىگىنىڭ پرەزيدەنتى ەلەنا دميتريەنكو ماراپاتتالدى دەپ حابارلايدى Qamshy.kz اقپارات اگەنتتىگى.

ەستەلىك مەدال مەن ساحا رەسپۋبليكاسىنىڭ (ياكۋتيا) ازاماتتىق قوعام ينستيتۋتتارىن دامىتۋ جونىندەگى مينيسترلىگىنىڭ «حالىقتار دوستاستىعى» مەدالى قازاقستاندىق ۇەۇ وكىلىنە ۇلتارالىق بەيبىتشىلىك پەن كەلىسىمدى نىعايتۋعا قوسقان ۇلەسى ءۇشىن تابىستالدى.

ەلەنا دميتريەنكو ساحا رەسپۋبليكاسىندا 2017 جىلعى 5-8 شىلدە ارالىعىندا وتكەن ياكۋتيا بالالار قوزعالىسىنىڭ 25 جىلدىعىنا ارنالعان «ۇمتىلىس» («سترەملەنيە»، «دۋلۋۋر») ءبىرىڭعاي بالالار قوزعالىسىنىڭ  ءىىى سلەتىنىڭ قۇرمەتتى قوناعى جانە ساراپشى رەتىندە قاتىستى.

سلەت شەڭبەرىندە ءبىرقاتار ءىس-شارالار ۇيىمداستىرىلىپ، ونىڭ بارىسىندا «جۇلدىز» بالالار قوعامدىق ۇيىمدارىنىڭ وداعى» قوعامدىق بىرلەستىگى ن.ە. موردينوۆا اتىنداعى «كەسكيل» رەسپۋبليكالىق بالالار باسپاسىمەن بىرلەسكەن بالالار اقپاراتتىق-مەديالىق جانە باسپا جوبالارىن بىرلەسىپ ىسكە اسىرۋ بويىنشا سەرىكتەستىك تۋرالى كەلىسىمگە قول قويدى. سونىمەن قوسا، بالالار قوزعالىسىن ۇيىمداستىرۋشىلار ءۇشىن سەمينار-پراكتيكۋم وتكىزىلىپ، وندا ەلەنا دميتريەنكو ءتۇرلى ديسكۋسسيالىق الاڭداردا ساراپشى رەتىندە ءسوز سويلەدى.

ەلەنا دميتريەنكونىڭ ايتۋى بويىنشا، «ۇمتىلىس» ءبىرىڭعاي بالالار قوزعالىسىنىڭ ءىىى سلەتى بالالاردىڭ ءتۇرلى الەۋمەتتىك باستامالارىمەن اينالىساتىن ۇيىمداردىڭ حالىقارالىق سەرىكتەستىگىنە قاراي جاسالعان ۇلكەن قادام بولدى.

«بالالاردىڭ الەۋمەتتىك باستامالارىن مەملەكەتتىك قولداۋ جانە ياكۋتياداعى بالالاردىڭ قوعامدىق قوزعالىسى ساحا رەسپۋبليكاسى باسشىلىعىنىڭ وسكەلەڭ ۇرپاقتىڭ امان-ساۋ تاعدىرى، ولاردىڭ بۇگىنى مەن بولاشاعىنا دەگەن قامقورلىعىنىڭ بەلگىسى بولدى»، - دەپ اتاپ ءوتتى ە.دميتريەنكو.

ازاماتتىق بەلسەندىلەردىڭ ايتۋلارى بويىنشا، جوعارى ماراپاتتاۋ – جاس قازاقستاندىقتاردىڭ بەيبىتشىلىك قوزعالىسىنىڭ وزەكتىلىگىن، جوعارى ادامگەرشىلىگىن، مادەني ءال-اۋقاتىن جانە باسىمدىقتارىن مويىنداعاندىعىنىڭ ايقىن بەلگىسى.

ە. دميتريەنكو «جاقىن ارادا ۇەۇ ءۇشىن ۆەدومستۆولىق ماراپاتتاۋلار قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىندە دە بەرىلەتىنىنە سەنگىمىز كەلەدى»، - دەپ اتاپ ءوتتى.

«جۇلدىز» بالالار قوعامدىق ۇيىمدارىنىڭ وداعى» قب قازاقستاندا 2004 جىلدان باستاپ قىزمەتىن ىستەيتىندىگىن اتاپ كورسەتكەن ءجون، ونىڭ قىزمەتىنىڭ نەگىزگى باعىتتارى بالالاردىڭ قوعام مەن مەملەكەتتىڭ ومىرىنە، حالىقارالىق سەرىكتەستىكتى دامىتۋعا جانە ت.ب. قاتىسۋى ءۇشىن جاعداي جاساۋ بولىپ تابىلادى.

قوعامدىق بىرلەستىك «ليدەر» بالالار گازەتى، «ليدەر پليۋس…» جاستار گازەتى، «پەداگوگيچەسكيي ۆەستنيك»، «پەداگوگيچەسكيي بيۋللەتەن»، «جاسStar» جانە «رەبەنوك ي پراۆو» جۋرنالدارى سياقتى باسپا ونىمدەرىن شىعارادى.