شىعىس قازاقستان وبلىسىنىڭ كاتونقاراعاي اۋدانى بەرەل قورعانىندا تابىلعان تاريحي جادىگەرگە قاتىستى سول ورىندا قازبا جۇمىستارىن جۇرگىزىپ جاتقان ەكسپەديسيالىق توپتىڭ جەتەكشىسى زەينوللا ساماشيەۆ تۇسىنىك بەردى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
«بەرەل قورعانىندا تابىلعان جادىگەردى «التىن ادام» دەۋدىڭ قاجەتى جوق. بۇل تۋرالى اقپارات اسىعىس تاراپ كەتكەن بولۋى كەرەك. ءبىز زەرتتەپ جاتقان ورىن ەجەلگى تونالىپ كەتكەن قورعان بولاتىن. سونىڭ ىشىنەن ەجەلدە ءومىر سۇرگەن ايەل ادامنىڭ باس كيىمىنىڭ قالدىقتارى تابىلدى. تونى، بەلبەۋىنىڭ قالدىقتارى ساقتالىپ قالىپتى. ابزەلدەرىمەن بىرگە ەكى اتتىڭ قالدىقتارى تابىلدى. ءالى قازبا جۇمىستارى اياقتالعان جوق»، - دەيدى زەينوللا ساماشيەۆ.
ارحەولوگتىڭ ايتۋىنشا، قالدىقتارى تابىلعان اقسۇيەك ايەل ءبىزدىڭ زامانىمىزعا دەيىنگى ءىىى عاسىردىڭ باسى - ءىV عاسىردىڭ اياعىندا ءومىر سۇرگەن بولۋى مۇمكىن.
