الماتىدا كولىك قوزعالىسىن ۇيىمداستىرۋدىڭ كەشەندى سىزباسى اياسىندا كىشى كولىك اينالىمى شەكاراسىنا قاتىستى شيەۆچەنكو جانە قۇرمانعازى كوشەلەرىندە كولىك قوزعالىسى ءبىرجاقتى بولادى دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنە سىلتەمە جاساپ.

شيەۆچەنكو كوشەسىنىڭ بويىندا دوستىق داڭعىلىنان جاروكوۆ كوشەسىنە دەيىنگى اۋماقتا ترامۆاي رەلستەرى الىنىپ تاستالعان سوڭ جولدار ورتاشا اعىمداعى جوندەۋدەن وتەدى جانە باتىس باعىتقا قاراي كولىكتىڭ ءبىرجاقتى قوزعالىسى ۇيىمداستىرىلادى، سونىمەن قاتار وڭتۇستىك جاعىنان قونايەۆ كوشەسىنەن جاروكوۆ كوشەسىنە دەيىن ەكىجاقتى ۆەلوجول اباتتاندىرىلادى.

قۇرمانعازى كوشەسى بويىندا مۇقانوۆ كوشەسىنەن دوستىق داڭعىلىنا دەيىنگى ۋچاسكەدە جوندەۋ جۇمىستارى اياقتالعان سوڭ شىعىس باعىتتا ءبىرجاقتى كولىك قوزعالىسى قامتاماسىز ەتىلەدى.

بيىلعى جىلدىڭ قىركۇيەك ايىندا كولىك قوزعالىستارىن وسىلايشا ۇيىمداستىرۋ كەدەرگى نۇكتەلەردى قىسقارتادى، اتالعان كوشەلەردە اپاتتى جاعدايلاردىڭ الدىن الىپ، اباي داڭعىلىنداعى كولىك قوزعالىسىنىڭ سالماعىن 15%-عا دەيىن قىسقارتادى.

№112 باعىتتاعى اۆتوبۋس شىعىستى بەتكە الىپ، جاروكوۆ كوشەسىنەن اباي داڭعىلى جانە مۇقانوۆ كوشەسى بويىمەن قۇرمانعازىدان شىعادى.