ق ر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسى اياسىندا جاڭا فورماتتا وتكەن ۇلتتىق ءبىرىڭعاي تەستىلەۋ مەن تجكب ءبىلىم الۋشىلارىنىڭ كەشەندىك تەستىلەۋىنىڭ قورىتىندىلارى قارالدى، دەپ جازادى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ. 

ق ر ءبىلىم جانە عىلىم ءمينيسترى ەرلان ساعادييەۆ بيىل ۇبت-نىڭ جاڭا فورمات بويىنشا جۇرگىزىلگەنىن جانە ەكى راسىمگە: مەكتەپتەردەگى ءبىتىرۋ ەمتيحاندارى سەكىلدى قورىتىندى اتتەستاتتاۋ جانە جوو-نا قابىلداۋ ەمتيحانىنا بولىنگەنىن اتاپ ءوتتى. بۇل فورمات جاپونيانىڭ، ءيزرايلدىڭ جانە اقش-تىڭ حالىقالارىق تاجىريبەسىن تالداۋ ناتيجەسىندە ازىرلەنگەن. 

ايتا كەتۋ كەرەك، ۇبت-نىڭ مازمۇندىق بولىمىندە لوگيكالىق ويلاۋ دەڭگەيىن، بازالىق قۇزىرەتتى جانە ءارى قاراي وقۋعا دەگەن قابىلەتتىلىكتى، ياعني فۋنكسيونالدىق ساۋاتتىلىقتى انىقتاۋعا باعدارلانعان تەستىلەر بولدى.

بۇدان وزگە، بيىل العاش رەت تەستىلەۋدىڭ ونلاين-تاراتىلىمى ىسكە قوسىلدى. بۇل بارلىق نيەت بىلدىرگەندەرگە قازاقستاننىڭ كەز كەلگەن جەرىنەن تەستىلەۋ ۇدەرىسىن باقىلاۋعا مۇمكىندىك بەردى، سايكەسىنشە بۇزۋشىلىقتاردىڭ سانىن تومەندەتتى.

جالپى ۇبت-عا 88 595 ادام قاتىستى، بۇل ءوتىنىم بەرگەندەردىڭ 95% قۇرادى. تەستىلەۋ قورىتىندىسىنا سايكەس رەسپۋبليكا بويىنشا ورتاشا بالل 140-تىڭ 80،5ء-ىن قۇرادى. وتكەن جىلى بۇل كورسەتكىش 125ء-تىڭ 81ء-ىن قۇراعان بولاتىن. 50 باللدان تۇراتىن مەجەلىك دەڭگەيدەن 74 517 تۇلەك استى، بۇل 84%-دى قۇرادى.

كەشەندىك تەستىلەۋ 17-23 شىلدە ارالىعىندا جوعارعى وقۋ ورىندارىنىڭ 48 پۋنكتىندە ءوتتى. وعان قاتىسۋعا 54 649 ءوتىنىم بەرىلدى، ءىس جۇزىندە تەستىلەۋگە 50 416 ادام قاتىستى. 50 باللدان تۇراتىن مەجەلىك دەڭگەيدەن 21 078 ادام نەمەسە تۇلەكتەردىڭ جالپى سانىنىڭ 42% استى.

مەجەلىك دەڭگەيدەن وتپەگەندەر تەستىلەۋدەن قايتادان وتە الادى. قۇجاتتاردى قابىلداۋ 1-8 تامىز ارالىعىندا، ال تەستىلەۋ – 19-24 تامىز ارالىعىندا وتەدى. مەجەلىك دەڭگەيدەن ەكىنشى رەتتە دە وتپەي قالعان جاعدايدا جوو-عا ءبىر سەمەسترگە اقىلى نەگىزدە وقۋعا مۇمكىندىك بەرىلەدى.