قىرعىزستاندا پرەزيدەنتتىك سايلاۋعا قاتىسۋعا نيەتتى 11 ۇمىتكەر بۇرىن قىلمىستىق جاۋاپقا تارتىلعان، سولاردىڭ جەتەۋى سوتتالعان. بۇل تۋرالى 1 تامىزدا قىرعىزستان ورتالىق سايلاۋ كوميتەتىنىڭ ءتوراعاسى نۇرجان شايلدابەكوۆا مالىمدەدى دەپ جازادى Qamshy.kz اقپارات اگەنتتىگى  centralasian.org مالىمەتىنە سۇيەنىپ.

ونىڭ ايتۋىنشا، ۇمىتكەردىڭ ءبىرى الاياقتىق جاساعانى ءۇشىن ەكى مارتە سوتتالعان، ءبىراق جازاسىن وتەپ شىققان.

"ءبىزدىڭ زاڭدار ليبەرالدى بولعاندىقتان، جازاسىن وتەپ شىققاندار پرەزيدەنتتىككە ۇمىتكەر اتانا الادى. وسك زاڭمەن جۇمىس ىستەيدى"، - دەدى شايلدابەكوۆا.

ونىڭ ايتۋىنشا، پرەزيدەنتتىككە ۇمىتكەر 59 ادامنىڭ جەتەۋى ايەل. سەگىز ۇمىتكەر مەملەكەتتىك قىزمەتتە، جەتەۋى - كوممەرسيالىق ۇيىمداردا، 29-ى  كوممەرسيالىق ەمەس ۇيىمداردا جۇمىس ىستەيدى. توعىز ۇمىتكەر ۋاقىتشا جۇمىسسىز، التاۋى - زەينەتكەر.

وسك پرەزيدەنتتىككە ۇمىتكەرلەردى تىركەۋ ءۇشىن قۇجات قابىلداۋىن اياقتادى.