الماتىدا قالانى اباتتاندىرۋدىڭ ينتەراكتيۆتى كارتاسى پايدا بولدى، دەپ حابارلايدى Qamshy.kz اقپارات اگەنتتىگى.

ەندى الماتىلىقتار قالاداعى كوشەلەر مەن تروتۋارلاردا، ارىقتار مەن جىلۋ جۇيەلەرىندە جوندەۋ جۇمىستارى قاشان، قاي جەرلەردە جۇرگىزىلەتىنىن الدىن الا بىلەتىن بولادى. ايتا كەتەيىك، قالادا «Open Almاty» جۇيەسى جۇزەگە اسىرىلىپ جاتىر.

«قالا تۇرعىندارى قاي اۋلادا، قاي مەكەنجايدا جوندەۋ جۇمىستارى جۇرەتىنىن بىلە الادى. بۇل بولىمدەگى اقپاراتتار جاڭارىپ وتىرادى. جاقىن ۋاقىتتا ايالداما كەشەندەرىن ورنالاستىرۋ بويىنشا اقپارات جانە پيك كارتاسىن سالامىز»، دەيدى «Open Almaty» جوباسىنىڭ رەسمي وكىلى ەركەبۇلان كەنجەبولاتوۆ.

ەستەرىڭىزگە سالا كەتسەك، ماماىر ايىندا "الماتىلىقتار قالا بيلىگىمەن ينتەراكتيۆتى تاقتا ارقىلى بايلانىساتىن بولادى" دەگەن اقپارات تاراعان بولاتىن. 

Smart City تۇجىرىمداماسىن ىسكە اسىرۋ اياسىندا قوسىلعان  «Open Almaty»  جوباسى الماتى قالاسى تۇرعىندارى، كاسىپورىندار مەن كەلۋشىلەرگە ومىرلىك جاعدايلاردى شەشۋگە كومەكتەسۋگە باعىتتالعان.

سونداي-اق، اشىق ەسىك قاعيداتى بويىنشا اكىمشىلىكتىڭ حالىققا قولجەتىمدىلىگىن ارتتىرا تۇسپەك.

مامانداردىڭ ايتۋىنشا، بۇل قوعامدىق قابىلداۋ ورتالىعى ءبىر شاڭىراقتىڭ استىندا اكىمدىكتىڭ قوعامدىق قابىلداۋ ورتالىعىن، ينۆەستورلارعا قىزمەت كورسەتۋ ورتالىعىن، تۋريستىك ورتالىقتى، ءمجا ورتالىعىن، اكىمشىلىكتىڭ ءبىرىڭعاي قوڭىراۋ-ورتالىعىن، سونداي-اق ازاماتتاردىڭ وتىنىشتەرىن قارايتىن قۇزىرلى ورگان قىزمەتكەرلەرىن بىرىكتىرەدى.