تاۋ ءتۋريزمىن دامىتۋ جونىندەگى حالىقارالىق فورۋمدا شەتەلدىك تۋريستەردى تارتۋ ءۇشىن الماتى مەن گرۋزيا اراسىنداعى ىنتىماقتاستىق ماسەلەسى تالقىلاندى، دەپ حابارلايدى Qamshy.kz اقپارات اگەنتتىگى.

بۇگىن ءوتىپ جاتقان جىل سايىنعى «International Mountain Sports Festival» فەستيۆال اياسىنداعى حالىقارالىق فورۋم بارىسىندا گرۋزيانىڭ ەكونوميكا جانە تۇراقتى دامۋ مينيسترلىگى جانىنداعى گۋداۋريدى دامىتۋ ماسەلەسى بويىنشا ديرەكتور الەكساندرە ونوپريشۆيلي  الماتى مەن گرۋزيا اراسىندا ىنتىماقتاستىق ورناتۋدى ۇسىندى.

«سىزدەردىڭ اسەم تاۋلارىڭىزدى كورىپ جانە وراسان الەۋەتتى سەزىنىپ، تاۋ ءتۋريزمىن دامىتۋ سالاسىندا الماتىنىڭ قابىلەتى وتە جوعارى ەكەنىن بايقادىق، وسىلايشا، بىرنەشە باعىت بويىنشا ىنتىماقتاستىق ورناتۋ جونىندە يدەيا تۋىندادى. مىسالى، ءبىز ءوزىمىزدىڭ تاۋ كۋرورتتارىمىزدا بيلەتتەر ساتقاندا  «شىمبۇلاققا» تەگىن بارۋ مۇمكىندىگىن نەمەسە كەرىسىنشە، الماتىدان بىزگە كەلگەندە دە قولايلى جاعدايلاردى جاساۋدى قاراستىرامىز. سونىڭ ارقاسىندا تۋرسيتەردى كوپ تارتۋعا بولادى. تابيعي قۇندىلىق، بيىكتىك  پەن تاۋلاردىڭ قالاعا جاقىندىعى قىزىقتىرادى. مۇنداعى تاماشا كۋرورتتار قالا ەكونوميكاسىن جاڭا دەڭگەيگە كوتەرەدى، ءومىر ءسۇرۋ دەڭگەيىن ارتتىرىپ، تۋريزم سالاسىنداعى بيزنەستى ودان ءارى دامىتۋعا جاڭا سەرپىلىس بەرەدى»، - دەپ اتاپ ءوتتى  ا. ونوپريشۆيلي.

فورۋمدا سانكت-پەتەربۋرگ فريستايل فەدەراسياسىنىڭ ۆيسە-پرەزيدەنتى ۆيكتور تيماكوۆ تاۋ ءتۋريزمىن دامىتۋدا الماتىنىڭ ورتالىق ازياداعى ەڭ تۇراقتى قالا ەكەندىگىن اتاپ ءوتتى.

«حالىقتىڭ 10%-ى - ماۋسىم بارىسىندا بەس رەت 200 مىڭ ادامنان كۋرورتقا كەلسە، بۇل - ميلليون! ال، بۇل قازاقستاننىڭ وزگە وڭىرلەرىن ەسەپتەمەگەندە، الماتىلىق اگلومەراسيا تۇرعىندارى عانا. مۇنداي  ۇتىمدى العىشارت ءتىپتى  الەمدە دە جوق. سىزدەردىڭ تاۋلارىڭىز قانشا كولەمدى الىپ جاتىر. مەن ءتۋريزمدى دامىتۋ ءىسىن كوپشىلىككە كەڭىنەن ناسيحاتتاۋ قاجەت ەكەنىن اتاپ وتكىم كەلەدى، سونىڭ ارقاسىندا قالا ەكونوميكاسى دا ارتىپ، جاڭا جۇمىس ورىندارى اشىلار ەدى. رەسەي سپورتشىلارى مۇندا  كەلە مە؟ ارينە، قۋانا كەلەدى. مەن بۇل قالاعا العاش رەت كەلىپ وتىرمىن،  الايدا «شىمبۇلاق» تۋرالى ەستىگەنمىن، دوستارىم وسىندا تاۋ شاڭعىسىمەن سىرعاناعان. مەن سىزدەردىڭ تاۋلارىڭىزعا  عاشىقپىن»، - دەدى ۆ.تيماكوۆ.

اۆتريادان كەلگەن «Warth»  تاۋ شاڭعىسى كۋورتى مەن «Warth Holding GmbH» تۋريستىك باسقارماسىنىڭ باس ديرەكتورى گيۋنتەر وبەرحاۋزەر  تاۋ كۋرورتىن جەدەل دامىتۋداعى باستى فاكتورلاردىڭ ءبىرى - الماتىنىڭ ءىرى مەگاپوليس بولۋى ەكەنىن اتاپ ءوتتى.

ونىڭ بۇل ويىن  PGI Management باس ديرەكتورى دجوان ۆيلادوما دا كۇپتادى،  «اندوررا  -  الەمنىڭ ەڭ كىشى 9 ەلىنىڭ ءبىرى. ال قازاقستان - الەمنىڭ ءىرى 9 ەلىنىڭ ءبىرى» دەپ اتاپ ءوتتى. ول ينديادان تۋريستەر تارتۋدى ۇسىندى.

«ءبىز الماتىدا يندۋستاردىڭ كوپ ەكەنىن بايقادىق. ولار تاۋ  شاڭعىسى سپورتىن ۇناتادى. تاۋ كۋرورتى الماتىدان 3،5 ساعات قانا قاشىقتىقتا. مەنىڭ بەرەر كەڭەسىم، بۇعان دا نازار اۋدارعان ءجون!»، - دەدى ول.

الماتى قالاسى تۋريزم جانە سىرتقى بايلانىستار باسقارماسىنىڭ باسشىسى ەرلان جايلاۋباي  الماتىدا بارلىق حالىقارالىق ستاندارتتاردى ەسكەرىپ جانە قالا ەكولوگياسىن ساقتاپ، الەمنىڭ جەتەكشى كومپانيالارىنىڭ تاجىريبەسى نەگىزىندە تاۋ ءتۋريزمىن ارتتىرۋعا ەرەكشە ءمان بەرىلەتىنىن ايتتى. باستاپقى كەزەڭدە قالا تۇرعىندارى اراسىندا  تاۋ سپورتى تۇرلەرىن  دامىتۋعا نازار اۋدارىلادى، ويتكەنى تاۋعا كەلۋشىلەردىڭ  80%-ى قازاقستان تۇرعىندارى.