رەسەي بيلىگى بەيسەنبى كۇنى 3 تامىزدا اقش-تىڭ ۆيسە-پرەزيدەنتى ماك پەنستىڭ مالىمەدەمەسىن ايىپتادى، دەپ جازادى Qamshy.kz اقپارات اگەنتتىگى.

2 تامىز كۇنى باتىس بالقان ەلدەرىنە ساپارى بارىسىندا پەنس «رەسەي اۋداندى تۇراقسىزداندىرۋ ىسىنە كوشتى، دەموكراتياعا نۇقسان كەلتىرىپ، سەندەردى جانە ەۋروپا ەلدەرىن ءوزارا ءبولىسىپ الماق» دەگەن ەدى. سونداي-اق بالقان ەلدەرىنىڭ باسشىلارىن «سەنىمدى، ءارى اگرەسسيا الدىندا ىمىراسىز» بولۋعا شاقىردى.

رەسەي سىرتقى ىستەر مينيسترىلىگى شىندىققا جاناسپايتىن مالىمەدەمەنىڭ ءتۇبى «شيەلەنىستىڭ ۋشىعۋىنا» اكەلىپ سوعاتىنىن ايتتى.

«اقش بەلسەندى تۇردە وڭتۇستىك شىعىس ەۋروپانىڭ ناتو-عا قوسىلۋىنا بالاما جوق دەگەن تەزيستى ۇستانىپ كەلەدى. وكىنىشكە وراي، ۆاشينگتون شىندىقتان تولىققاندى الىستاتىلعان سۋىق سوعىس كەزەڭىندەگى يدەولوگيانى كوشىرىپ كەلەدى»، - دەلىنگەن رەسەيدىڭ ءسىم حابارلاماسىندا.

سونداي-اق مينيسترلىك اقش-قا رەسەيدى جانە ونىڭ ىشكى ساياساتىن «قارالاي بەرۋىن» دوعارۋعا شاقىردى.