قازاقستان رەسپۋبليكاسى ۇلتتىق بانكى باسقارماسىنىڭ 2017 جىلعى 31 شىلدەدەگى №152 قاۋلىسىمەن 2017 جىلعى 4 تامىزدان باستاپ قوسا العاندا 2017 جىلعى 1 قاراشاعا دەيىن «Delta Bank» اق-تىڭ جەكە جانە زاڭدى تۇلعالاردىڭ دەپوزيتتەرىن قابىلداۋعا، جەكە جانە زاڭدى تۇلعالاردىڭ بانك شوتتارىن اشۋعا ليسەنزياسى توقتاتىلا تۇرادى، دەپ جازادى Qamshy.kz اقپارات اگەنتتىگى.  

بۇل شەشىمدى ۇلتتىق بانك بانكتىڭ بانكتىك زاڭناما تالاپتارىن جەكەلەگەن بۇزۋشىلىقتارىنا قاداعالاۋشىلىق رەتتەۋ جانە «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭى 48-بابىنىڭ 1-تارماعى ۆ) جانە گ) تارماقشالارىندا كوزدەلگەن نەگىزدەر بويىنشا، تولەم جانە اۋدارىم وپەراسيالارى بويىنشا شارتتىق مىندەتتەمەلەردى ۇنەمى (قاتارىنان كۇنتىزبەلىك ون ەكى اي ىشىندە ءۇش جانە ودان كوپ رەت) تيىسىنشە ورىنداماۋ جانە ۇنەمى (قاتارىنان كۇنتىزبەلىك ون ەكى اي ىشىندە ءۇش جانە ودان كوپ رەت) پرۋدەنسيالىق نورماتيۆتەردى جانە (نەمەسە) باسقا ساقتالۋى مىندەتتى نورمالار مەن ليميتتەردى بۇزعانى ءۇشىن ىشكى باقىلاۋ جۇيەلەرىن جاقسارتۋ قاجەتتىلىگى شەڭبەرىندە قابىلدادى.

ليسەنزيا جاڭا دەپوزيتتەردى تارتۋعا جانە جەكە جانە زاڭدى تۇلعالاردىڭ جاڭا بانك شوتتارىن اشۋعا قاتىستى توقتاتىلا تۇرادى جانە بانكتىڭ قولدانىستاعى دەپوزيتتەرى مەن كليەنتتەرىنە قىزمەت كورسەتۋگە قاتىسى جوق.

 2017 جىلعى 1 شىلدەدەگى جاعداي بويىنشا «Delta Bank» اق جەكە تۇلعالارىنىڭ قابىلدانعان دەپوزيتتەرىنىڭ كولەمى 0،25 ملرد. تەڭگەنى، زاڭدى تۇلعالاردىڭ دەپوزيتتەرى 85،6 ملرد. تەڭگەنى قۇرايدى. بانكتىڭ دەپوزيتتىك پورتفەلىنىڭ ۇلەسى بانك جۇيەسى دەپوزيتتەرىنىڭ جيىنتىق كولەمىنىڭ 0،5%-ىن قۇرايدى.