پەكين رەسەيگە قارسى ءبىر جاقتى سانكسيالارعا قارسى شىعىپ وتىر. سونىمەن قاتار اقش-تىڭ رەسەي، كحدر جانە يران ەلدەرىمەن قارىم-قاتىناسىندا قاتاڭ شەكتەۋلەر قويۋىنا ءوز تاراپىنان قارسىلىق ءبىلدىردى، دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

«ءبىز ءتۇرلى ەلدەردىڭ اراسىنداعى داۋلاردى رەتتەۋ ءىسى وزىنە ءتان قۇرمەت پەن ءتيىستى ديالوگ نەگىزىندە جۇزەگە اسىرىلۋى ءتيىستى دەپ ەسەپتەيمىز»، - دەلىنگەن ءسىم حابارلاماسىندا.

وسى اپتادا پرەزيدەنت دونالد ترامپ رەسەي، يران جانە كحدر-عا قارسى جاڭا سانكسيالار ەنگىزىلگەن زاڭناماعا قول قويعان بولاتىن. بۇل سانكسيالار 2014 جىلدان بەرى ەڭ اۋقىمدى بولىپ تابىلادى. ول رەسەيلىك ەكونوميكاعا قارسى سەكتورالدى سانكسيالاردى نىعايتىپ، ەنەرگەتيكالىق جوبالاردا شەكتەۋ قويادى.

پرەزيدەنتتىڭ ۆەتوسىن ەڭسەرۋ ءۇشىن كونگرەسس جەتكىلىكتى داۋىس جيناعان جانە مەملەكەت باسشىسى زاڭ جوباسىنا قول قويۋعا ءماجبۇر بولدى. ترامپ ءوزى قول قويعان قۇجاتتا كونستيتۋسيالىق ەمەس ەرەجەلەر بار ەكەندىگىن ايتىپ، اقش پەن رەسەي قارىم-قاتىناسىنىڭ ناشارلاپ كەتكەندىگىنە كونگرەسستى ايىپتادى.

سونىمەن قاتار، ترامپتىڭ ايتۋىنشا، جاڭا سانكسيالار رەسەي، جۇڭگو جانە كحدر ەلدەرى اراسىن جاقىنداستىرۋى ابدەن مۇمكىن.