پاۆلودار قالاسىنا قاراستى لەنين كەنتىندە 17 جاستاعى جىگىت جۇك كولىگىنىڭ استىندا قالىپ مەرت بولدى. بەلگىلى بولعانداي، جۇك كولىگى سەمەيدە تىركەلگەن وندىرىستىك كووپەراتيۆكە تيەسىلى، دەپ حابارلايدى Qamshy.kz اقپارات اگەنتتىگى pavlodarnews.kz مالىمەتىنە سۇيەنىپ. بۇل تۋرالى اگەنتتىك تىلشىسىنە پاۆلودار وبلىستىق ەڭبەك باسقارماسىنىڭ باسشىسى اسقار قاپانوۆ حابارلادى.

 - الدىن الا بولجام بويىنشا، وقىس جاعداي تۇسكى ءۇزىلىس كەزىندە بولعان. فيرما جۇمىسشىلارى جۇك كولىگىنىڭ استىن كولەڭكەلەپ جاتقان. كەيىن ارىپتەستەردىڭ ءبىرى كولىكتى باسقا جەرگە اپارىلاتىنىن جانە ول جەردەن كەتۋلەرىن سۇراعان. نە سەبەپتى ەكەنى بەلگىسىز جاس جىگىتتەردىڭ ورنىنان كەتپەي، جۇك كولىگى ونىڭ ۇستىنەن ءجۇرىپ وتكەن، - دەدى اسقار قاپانوۆ.

باسقارما باسشىسىنىڭ ايتۋىنشا، وندىرىستىك كووپەراتيۆ يەلەرى جاس جىگىتتىڭ فيرمامەن ەشبىر ەڭبەك كەلىسىمشارتىن جاساماعانىن العا تارتۋدا.

 - ەگەر جىگىتتىڭ فيرمادا جۇمىس ىستەگەنى دالەلدەنسە، ءبىز ءوندىرىس ورنىنداعى وقىس جاعداي بويىنشا تەرگەۋ امالدارىن باستايمىز. ەگەر دالەل بولماسا، قايتىس بولعان جىگىتتىڭ وتباسىنا ارىز جازىپ، سوتقا شاعىمدانۋىنا كومەك بەرەمىز، - دەدى ەڭبەك بويىنشا باس مەملەكەتتىك ينسپەكتور.

 پاۆلودار وبلىستىق ءىىد باسپا ءسوز قىزمەتى حابارلاعانداي، اتالمىش جاعدايعا بايلانىستى ەكى قىلمىستىق ءىس قوزعالدىق بىرەۋى، ق ر قك 153 بابىنا سايكەس جۇمىس بەرۋشىگە قاتىستى بولسا، ەكىنشىسى ق ر قك 345 بابىنا ساي جۇرگىزۋشىگە قاتىستى.