ق ر مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋالييەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تۇجىرىمداماسى اياسىندا جوسپارلانىپ وتىرعان وزگەرىستەر تۋرالى باياندادى. بۇل تۋرالى Qamshy.kz اقپارات اگەنتتىگى  قازاقپارات مالىمەتىنە سۇيەنىپ حابارلايدى. 

اتاپ ايتقاندا، جاۋاپتى حاتشى بۋكمەكەرلىك كەڭسەلەردە الكوگولدىك ىشىمدىكتەردى ساتۋعا تىيىم سالۋ قاراستىرىلىپ وتىرعاندىعىن جەتكىزدى. «ءبىزدىڭ ويىمىزشا، قىزمەتتىڭ اتالعان تۇرلەرىن الكوگولدىك ءونىمدى ساتۋ مۇمكىندىگىمەن قاتار جۇرگىزۋگە جول بەرىلمەۋى ءتيىس. بۇنداي جاعداي جاستارعا ەلەۋلى تۇردە كەرى اسەر ەتەدى»،-دەپ ءتۇسىندىردى ۋالييەۆ ادىلەت مينيسترلىگىندە زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ كەزەكتى وتىرىسىندا.

ونىڭ سوزىنە قاراعاندا، «ەتيل ءسپيرتى جانە الكوگولدىك ونىمدەر ءوندىرىسى مەن اينالىمىن مەملەكەتتىك رەتتەۋ تۋرالى» زاڭىنا بۋكمەكەر كەڭسەلەرى مەن توتاليزاتورلاردا الكوگولدىك ونىمدەردى ساتۋعا تىيىم سالۋدى ەنگىزۋ ۇسىنىلىپ وتىر. «بۋكمەكەر كەڭسەلەر مەن توتاليزاتورلاردا ولاردىڭ قىزمەتى سپورتپەن شۇعىلدانۋ مەن سالاۋاتتى ءومىر سالتىنا قىزىعۋشىلىقتى جاناما تۇردە ارتتىرۋدىڭ ءادىسى رەتىندە تۇسىنىك بەرىلەدى. سول ارادا كەيبىر بۋكمەكەر كەڭسەلەرى مەن توتاليزاتورلاردا الكوگولدىك ىشىمدىكتەر ساتىلادى نەمەسە تەگىن تاراتىلادى. بۇل ءوز كەزەگىندە ماركەتينگتىك ماقساتتاردا، سونداي-اق ويىنشىنىڭ جاعدايدى ءتۇسىنۋ سەزىمىن باسۋ باعىتىندا جاسالادى. وسى ورايدا ويىنشىنى سالاتىن اقشا كولەمىن ارتتىرۋعا يتەرمەلەيدى»،-دەيدى قۋاتجان ۋالييەۆ.