بۇگىن اقمولا وبلىسىنا جۇمىس ساپارى اياسىندا ق ر پرەمەر-مينيسترى باقىتجان ساعىنتايەۆ ايماقتاعى كاسىپكەرلەر پالاتاسىنىڭ وڭىرلىك كەڭەسىنىڭ مۇشەلەرىمەن كەزدەسىپ، شاعىن جانە ورتا بيزنەستى قولداۋ مەن دامىتۋ ماسەلەلەرىن تالقىلادى دەپ حابارلايدى Qamshy.kz اقپارات اگەنتتىگى.  

كەزدەسۋ بارىسىندا قاتىسۋشىلار تۋريستىك سالانى دامىتۋعا بولىنگەن قوسىمشا قاراجاتتىڭ ءبولىنۋىن، ساۋدا نارىقتارىن جاڭعىرتۋدى، «بجك-2020» باعدارلاماسى اياسىندا پايىزدىق مولشەرلەمەنى سۋبسيديالاۋعا بيۋدجەتتى ارتتىرۋدى، ءىرى اۋىل شارۋاشىلىعى وندىرۋشىلەرى كووپەراتيۆتەرىن قارجىلاندىرۋدى، ەلدى مەكەندەردىڭ باس جوسپارىن تۇزەتۋدى، سونىمەن قاتار قازاقستاندا شاعىن يندۋستريالىق ايماقتاردى دامىتۋ ماسەلەلەرىن تالقىلادى.

كەڭەستە وڭىرلىك كەڭەس ءتوراعاسى، «ەسىل» ج ش س باس ديرەكتورى قازبەك ەسكەندىروۆ،«ەڭبەك» ج ش س باسشىسى قۋانىش راقىشيەۆ، «تورگوۆىي دوم» ج ش س باس ديرەكتورى الەكسەي سماگين، «نوۆىي كوكشەتاۋ» ج ش س باسشىسى رۋستام دجانگۋناكوۆ، «گورمولزاۆود» ج ش س ديرەكتورى اسەن جاقسىلىقوۆ، ا. مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ پرەزيدەنتى ءمادي ەلۋبايەۆ، سونىمەن قاتار «ترەند+» ج ش س قۇرىلتايشىسى ەرجان قۋانعان ءسوز سويلەدى.

كوتەرىلگەن تاقىرىپتارعا وراي ق ر ۇلتتىق ەكونوميكا ءمينيسترى تيمۋر سۇلەيمەنوۆ، ق ر ينۆەستيسيالار جانە دامۋ ءبىرىنشى ۆيسە-مينيسترى اليك ايداربايەۆ جانە ق ر اۋىل شارۋاشىلىعى ءبىرىنشى ۆيسە-مينيسترى قايرات ايتۋعانوۆ تۇسىنىك بەردى. 

سويلەگەن ءسوزىنىڭ بارىسىندا باقىتجان ساعىنتايەۆ كاسىپكەرلىكتى دامىتۋ ۇكىمەت جۇمىسىنىڭ باستى باسىمدىقتارىنىڭ ءبىرى بولىپ تابىلاتىنىن اتاپ ءوتتى. بۇل باعىتتا بيزنەس ءۇشىن قولايلى جاعدايلار تۋدىرۋ بويىنشا شارالار جۇزەگە اسىرىلىپ جاتىر، ونىڭ ىشىندە بيزنەس شىعىندارىن ازايتۋ، تەكسەرۋلەردى قىسقارتۋ، نەسيەلىك قولداۋدى قايتا رەتتەۋ مەن كەڭەيتۋ بار. سونىمەن قاتار، قازىرگى كەزدە جاڭا ەكى مەملەكەتتىك باعدارلاما ىسكە اسىرىلۋدا: اوك دامىتۋ مەن ءونىمدى جۇمىسپەن قامتۋ جانە جاپپاي كاسىپكەرلىك، بۇل باعدارلامالاردا دا بيزنەستى قولداۋ تاسىلدەرى قاراستىرىلعان. 

بۇدان وزگە، باقىتجان ساعىنتايەۆ ايماقتاعى بيزنەس سالاسىن دامىتۋدا وبلىس ەكونوميكاسىنىڭ پەرسپەكتيۆالى سالالارىنىڭ ءبىرى رەتىندە تۋريزمگە ەرەكشە كوڭىل ءبولۋ قاجەتتىگىن اتاپ ءوتتى. بۇل ورايدا تۋريستىك جانە كولىك-لوگيستيكالىق ينفراقۇرىلىمدى ودان ءارى دامىتۋ، سونىمەن قاتار مەملەكەتتىك-جەكەشەلىك ارىپتەستىك جوبالارىن جۇزەگە اسىرۋ قاجەت.