"استانانىڭ" چەمپيوندار ليگاسىنىڭ پلەي-وفف كەزەڭىندە كىمگە قارسى وينايتىنى انىقتالدى، - دەپ حابارلايدى Qamshy.kz اقپارات اگەنتتىگى Vesti.kz سايتىنا سىلتەمە جاساي وتىرىپ.

جەرەبە تارتۋ كەزىندە شوتلانديالىق "سەلتيك" كەلەسى قارسىلاس بولاتىنى انىقتالدى. كوماندالاردىڭ العاشقى ويىندارى 15 جانە 16 تامىزدا گلازگودا وتەدى، ال قارىمتا كەزدەسۋ ءبىر اپتادان كەيىن استانادا بولادى.

"استانا" جانە "سەلتيك" مۇنىڭ الدىندا دا چەمپيوندار ليگاسىندا بىر-بىرىنە قارسىلاس بولعانىن ايتا كەتەيىك. وتكەن ماۋسىمنىڭ ەكىنشى كەزەڭىندە شوتلانديالىق كلۋب "استانادان" باسىم تۇسكەن ەدى. گلازگوداعى ەسەپ 1:1 بولعانىمەن، پەنالتي تەبۋ كەزىندە شوتلانديالىقتار العا شىقتى.

چەمپيوندار ليگاسىنىڭ 2013/14 ماۋسىمىندا "سەلتيك" قاراعاندىلىق "شاحتەردى" ۇتقان بولاتىن (0:2، 3:0).

الداعى "استانا" - "سەلتيك" ويىنىنىڭ جەڭىمپازى چەمپيوندار ليگاسىنىڭ كەلەسى كەزەڭىنە جولداما الادى. ال ۇتىلعان كوماندانىڭ ەۋروپا ليگاسىندا ونەر كورسەتۋ مۇمكىندىگى بار.