قازاقستاندىق بوكسشىلار قانات يسلام مەن نۇرسۇلتان جانايبايەۆ جاتتىقتىرۋشىلارى نەلسون لوپەسوممەن الماتىدان استاناعا كەلدى دەپ حابارلايدى Qamshy.kz  اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

بۇل جەردە قانات يسلام 9 قىركۇيەك كۇنى «سارىارقا» ۆەلوترەگىندە وتەتىن كاسىبي بوكس كەشىنە سوڭعى دايىندىقتار وتكىزەدى. 

كەشتىڭ باستى كەزدەسۋى قانات يسلام مەن برەندون كۋك اراسىندا وتەدى. بوكسشىلار 1ء-شى ورتا سالماق دارەجەسىندە WBA Inter-Continental جانە WBO-NABO نۇسقاسى بويىنشا تيتۋلىنا جۇدىرىقتاسادى.

استانا اۋەجايىندا باسپا ءسوز وتىرىسىندا قانات يسلام مەن ونىڭ جاتتىقتىرۋشىسى نەلسون لوپەس جۋرناليستەرگە كۋكپەن كەزدەسۋدە نە كۇتىپ تۇرعانىن ايتتى.

 - ءبىز استاناعا كەلگەنىمىزگە قۋانىشتىمىز. ءبىر اي الماتىدا دايىندالدىق، ەندى وسى جەردە شىنىعامىز. بۇل كەزدەسۋ – ۇلكەن جاۋاپكەرشىلىك جۇكتەيدى، سوندىقتان ءبىز بارىنشا دايىندالۋىمىز كەرەك. مەنىمەن بىرگە شتاتتان جاتتىقتىرۋشى كەلدى. سپاررينگ بويىنشا سەرىكتەستەرىم جولعا شىقتى، ەرتەڭ وسىندا كەلەدى. بىرگە جاتتىعۋدى باستايمىز. بارلىعى ويداعىداي. برەندون كۋك تا مەن سەكىلدى بۇل كەزدەسۋگە دايىندىق ۇستىندە. مەن ءاردايىم ءوز قارسىلاسىڭدى ءالسىز دەپ باعالاماۋ كەرەكتىگىن ايتىپ جۇرەمىن. ءار بوكسشىنىڭ ءوز مىنەزى بار. كۋكانى جەڭۋ ءۇشىن مەن ودان كوبىرەك جاتتىعۋىم كەرەك، - دەدى قانات يسلام.