ق ر پرەزيدەنتى ن.ءا.نازاربايەۆ: «قازاق ءتىلىن لاتىن ارپىنە كوشىرۋ – بۇل انا ءتىلىمىزدىڭ جاھاندىق عىلىم مەن بىلىمگە كىرىگۋىن، رۋحاني تۇتاستىعىن قامتاماسىز ەتەتىن بىرەگەي قادام»، - دەگەن ەدى. قازىرگى كەزدە لاتىن گرافيكاسىنا كوشۋگە قاتىستى جۇمىستارعا ا.بايتۇرسىن ۇلى اتىنداعى ءتىل ءبىلىمى ينستيتۋتى باسشىلىق ەتەدى. لينگۆيست، كومپيۋتەرلىك باعدارلاما دايىندايتىن ماماندار، فيلولوگ عالىمدار مەن ساراپشىلاردان قۇرالعان ارنايى كوميسسيا جاساقتالدى. لاتىن جازۋىنا كوشۋگە بايلانىستى باسپا ءسوز بەتىندە جاريالانعان، ءتيىستى ورىندارعا كەلىپ تۇسكەن ءتۇرلى جوبالار ساراپتامادان وتكىزىلۋدە دەپ جازادى Qamshy.kz اقپارات اگەنتتىگى.
بۇل تۋرالى «QazTalks» اشىق اڭگىمە الاڭىندا ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى ەردەن قاجىبەك مالىمدەدى.
− بيىل استانادا وتكەن الەمنىڭ 35 مەملەكەتىنەن 380 دەلەگات، سونداي-اق الماتى مەن استانا قالالارىنان، ەلىمىزدىڭ وڭىرلەرىنەن 300-دەن استام وكىل قاتىسقان دۇنيەجۇزى قازاقتارىنىڭ IV قۇرىلتايىندا دا جاھاندانۋ زامانىندا قانداستارىمىز اتاجۇرتىنان تامىرى ءۇزىلىپ قالماسى ءۇشىن لاتىن جازۋىنا كوشۋ ماسەلەسىنە بايىپپەن قاراپ، تەزدەتۋ كەرەكتىگىن اتاپ كورسەتتى. ەلباسىمىز قازاقتار بۇرىنعى كسرو اۋقىمىندا، تمد اۋماعىندا كيريلليسا، قىتايداعى قانداستارىمىز توتە جازۋ، باتىس ەلدەرىندەگى باۋىرلارىمىز لاتىن ءارپىن قولدانىپ كەلە جاتقانىن، سويلەسكەندە ءتىلىمىز ءبىر بولعانىمەن، وقىعاندا ءتىلىمىز ءۇش ءتۇرلى ەكەنىن، ءبىر-بىرىمىزدى تۇسىنە الماي، جازۋىن ۇقپاي جۇرگەنىمىزدى ەسكەرتە وتىرىپ، بۇل جەر جۇزىنە تارىداي شاشىلعان قازاقتىڭ كەيىنگى ۇرپاعىن بىر-بىرىنەن الىستاتاتىنىن، جازۋىمىزدى عىلىم مەن تەحنيكاعا ۇيلەستىرۋ ءۇشىن دە لاتىن گرافيكاسىنىڭ وڭتايلى بولاتىنىن ايتتى دەدى،- ەردەن قاجىبەك.
لاتىن جازۋىنا كوشۋدىڭ بىرنەشە وبەكتيۆتى سەبەپتەرىن سپيكەر ءتۇسىندىردى:
- قازاق حالقىنىڭ ۇلتتىق بىرەگەيلىگى قالىپتاسادى
- الەمدىك اقپارات كەڭىستىگىنە ەنۋگە مۇمكىندىك بەرەدى
- قازاقستاندا اقپاراتتىق جانە كوممۋنيكاسيالىق تەحنولوگيالاردىڭ كەڭىنەن تارالۋىنا مۇمكىندىك بەرەدى ،- دەدى.
سونىمەن قاتار، الەمدىك تاجىريبە كورسەتكەندەي دامىعان ەلدەردىڭ دەنى لاتىن ءارىپىن قولدانىپ كەلەدى.
پىكىر قالدىرۋ