قالالىق شاڭعى روللەرى تاس جولىندا (ورتالىق ساياباق) شاڭعى روللەرىنەن جارىستار ءوز مارەسىنە جەتتى دەپ حابارلايدى Qamshy.kz اقپارات اگەنتتىگى. وعان قازاقستاننىڭ قازىرگى ۋاقىتتا جۇزدەن جۇيرىك، مىڭنان تۇلپار سپورتشىلارى شاڭعى جارىسىنان قازاقستان ۇلتتىق قۇراما مۇشەلەرى، جاس جانە ارداگەر شاڭعىشىلار قاتىستى.

ءداستۇرلى تۇردە وتكىزىلەتىن شاڭعى روللەرىنەن استانا اشىق كۋبوگى شاڭعى سپورتىن دارىپتەۋدى، جاستاردىڭ شاڭعى جارىسىمەن اينالىسۋىن كوزدەپ، ازاماتتاردى بەلسەندى سالاۋاتتى ءومىر سالتىن ۇستانۋعا شاقىرادى.

5 تامىزدا ورتالىق ساياباقتا ءار جاستاعى 200-دەن استام سپورتشى شاڭعى روللەرىنەن استانا اشىق كۋبوگىنا قاتىسىپ باقتارىن سىنادى. ولاردىڭ قاتارىندا ەگدە جاستاعى سپورتشىلارمەن قاتار جاسوسپىرىمدەر مەن قىزدار، قازاقستان ۇلتتىق قۇراما مۇشەلەرى بولدى.   

اتالمىش جارىستا ارداگەر سپورتشىلارىمىز ەپتىلىك، يكەمدىلىك جاعىنان جاستارمەن ءبىر دەڭگەيدە ب ا ق سىناسىپ، كورەرمەندەردى ءتانتى ەتتى.

ارداگەر ەرلەر اراسىندا ءبىرىنشى ورىندى – استانالىق سپورتشى اندرەي گولوۆكو، ەكىنشى ورىندى –كوكشەتاۋ قالاسىنان كەلگەن ۆلاديمير بەلوۆ يەلەنسە، ءۇشىنشى ورىندى بۇل ساناتتا ەڭ ەگدە سپورتشى تانىلعان قوستاناي وبلىسىنىڭ 67 جاستاعى ارداگەرى نيكولاي حريپۋنوۆ قانجىعاسىنا بايلادى.

ارداگەر ايەل سپورتشىلار اراسىندا سۆەتلانا باتيايكينا ءبىرىنشى ورىننان كورىنسە، ءومىرىنىڭ جارتى عاسىر ۋاقىتىن شاڭعى جارىسىنا ارناعان 68 جاستاعى ناتاليا يگوريەۆنا پۋپىشيەۆا ەكىنشى ورىندى يەلەندى.

1997 جىلى تۋعان جانە ودان جوعارى جاستاعى ەرلەر ساناتىندا ۇلتتىق قۇراما كوماندا مۇشەلەرى قاتىسقاندىقتان جارىس قىزۋ تارتىسقا تولى بولدى. العاشقى بولىپ مارەگە قوستاناي وبلىسىنىڭ سپورتشىسى ۆيتاليي پۋحكالو جەتسە، ەكىنشى ورىندى ولجاس كليمين يەلەنىپ، ءۇشىنشى ورىندى كونستانتين بورسوۆ قانجىعاسىنا بايلادى. ايتا كەتسەك، جارىسقا نيكولاي چەبوتكو، رينات مۋحين جانە  داۋلەت راحىمبايەۆ سىندى سپورتشىلار دا اتسالىستى.

1997 جىلى تۋعان جانە ودان جوعارى جاستاعى ايەلدەر اراسىندا ءبىرىنشى ورىندى كوكشەتاۋلىق سپورتشى – ۆالەريا تيۋلەنيەۆا، ەكىنشى ورىندى – يرينا بىكوۆا، ال ءۇشىنشى ورىندى ەلميرا مۇتاعاروۆا يەلەندى.

1998-1999 جىلى تۋعان بوزبالالار اراسىندا الماتىلىق سپورتشى الەكساندر ۆوروبيەۆ ۇزدىك تانىلسا، ەكىنشى ورىندى – الەكساندر مۋحين، ال ءۇشىنشى ورىندى – يۆان ليۋفت يەلەندى. وسى ساناتتاعى قىزدار اراسىندا العاشقى بولىپ مارە سىزىعىن گۇلسينا قادىروۆا كەسسە، كسەنيا شالىگينا – ەكىنشى ورىندى،  انجەليكا تاراسوۆا ءۇشىنشى ورىندى يەلەندى.

2000-2001 جىلى تۋعان جاسوسپىرىمدەر ساناتىندا كوكشەتاۋلىق نيكيتا گريدين – ءبىرىنشى ورىندى، الكەن بۇرىنعازوۆ – ەكىنشى ورىندى، ال سۆياتوسلاۆ ماتاسوۆ ءۇشىنشى ورىننان كورىندى. اتالعان ساناتتا قىزدار اراسىندا ءبىرىنشى ورىندى  – اناستاسيا حمەلنيسكايا، ەكىنشى ورىندى – ماريا ليۋفت، ءۇشىنشى ورىندى ەليزاۆەتا سەلەزنيەۆا قانجىعاسىنا بايلادى.

سوڭعى 2002-2003 جىلى تۋعان جاسوسپىرىمدەر ساناتىندا العاشقى بولىپ مارەگە ۆاديم كۋرالەس جەتسە، ەكىنشى ورىندى – دانيل چەرۆەنكو، ءۇشىنشى ورىندى ەرنۇر بەكسۇلتان يەلەندى. وسى جاستاعى قىزدار اراسىندا قوستاناي وبلىسىنىڭ جاس سپورتشىسى ۆالەريا باچەنكو ءبىرىنشى بولسا، ەكىنشى ورىندى –كسەنيا شيەۆچۋك، ال كسەنيا سوروكينا ءۇشىنشى ورىننان كورىنە ءبىلدى.

اتالمىش كۋبوك جەڭىمپازداردى سالتاناتتى تۇردە مەدالدار، ديپلومدار جانە ەستەلىك سىيلىقتارمەن ماراپاتتاۋ راسىمىمەن اياقتالدى.

سونداي-اق، بارلىق باپكەرلەر، شاڭعىشىلار جانە قازاقستان شاڭعى جارىسىنىڭ ۇلتتىق فەدەراسياسى باسشىلىعى اتالعان فەدەراسيانىڭ ءبىرىنشى ۆيسە-پرەزيدەنتى نيكيتا سەرگەيەۆيچ ديەۆياتكيندى تۋعان كۇنىمەن قۇتتىقتادى!

اتالمىش كۋبوكتى «قازاقستان شاڭعى جارىسىنىڭ ۇلتتىق فەدەراسياسى» قب  «Samruk Kazyna Trust» قورىنىڭ، استانا اكىمدىگى مەن «SKI CLUB ASTANA» شاڭعى كلۋبىنىڭ قولداۋىمەن ۇيىمداستىردى.