ق ر ءسىم باسپا ءسوز قىزمەتىنىڭ جەتەكشىسى ءانۋار جايناقوۆ باحرەيندە جوعالىپ كەتكەن قازاقستاندىق تاگينا حايتمەتوۆانىڭ تابىلعانى تۋرالى مالىمدەدى، دەپ حابارلايدى Qamshy.kz اقپارات اگەنتتىگى.

24 جاستاعى تاگينا حايمەتوۆا 27 شىلدە كۇنى استانادان دۋبايعا، سول جەردەن باحرەينگە بەت العان. قىزدىڭ اتا-اناسى 29-شىلدە كۇنى قىزدارىمەن بايلانىس ۇزىلگەن سوڭ قازاقستاندىق ديپلوماتتاردان ىزدەستىرۋىن سۇراپ، كومەككە جۇگىنگەن ەدى.

«ول قازاقستانعا ءوز بەتىمەن كەلدى جانە قازىرگى ۋاقىتتا تۋىستارىنىڭ جانىندا. ونىڭ اتا-اناسى بىزگە حابارلاسىپ، جاعدايىنىڭ جاقسى ەكەنىن، تەك جاقىندارىنىڭ قولداۋىنا مۇقتاج ەكەنىن ايتتى. تاگينا ايتارلىقتاي پسيحولوگيالىق سوققى العان جانە وزگە ادامدارمەن تىلدەسۋگە دايىن ەمەس. سوندىقتان ازىرگە وقيعانىڭ ءمان-جايى انىقتالىپ جاتىر»، – دەدى ءا.جايناقوۆ.

جايناقوۆتىڭ ايتۋىنشا، ق ر سىرتقى ىستەر مينيسترلىگى زارداپ شەككەن قىزدىڭ شەشىمىنە بايلانىستى ارەكەت ەتەدى.

ايتا كەتەيىك، تامىز ايىنىڭ باسىندا قىزدارىنىڭ جوعالىپ كەتكەنىن ايتقان تاگينا حايتمەتوۆانىڭ اتا-اناسى سىرتقى ىستەر مينيسترلىگىنە جۇگىندى. 27 شىلدە كۇنى تاگينا استانادان دۋبايعا ۇشقان جانە سول جاقتان باحرەينگە اتتانعان. ەكى كۇن وتكەن سوڭ تۋىستارى قىزبەن بايلانىستى جوعالتقان.