كوپتەگەن اتا-انالار بالالار ءۇشىن اشىق تەرەزە ءولىم قاۋىپ-قاتەرىن ءتوندىرۋى مۇمكىن ەكەندىگىن ۇمىتىپ كەتەدى. جىل سايىن بيىكتەن قۇلاۋدان كوپ بالالار ولەدى، دەپ حابارلايدى Qamshy.kz اقپارات اگەنتتىگى اقمولا وبلىسىنىڭ توتەنشە جاعدايلار كوميتەتىنىڭ سايتىنا سىلتەمە جاساپ.

ادەتتە كوپتەگەن جاعدايلاردا بالالار ءارتۇرلى زاتتاردى پايدالانا وتىرىپ، ءوز بەتىنشە تەرەزە الدى تاقتايىنا شىعادى، موسكيتتى تورعا سۇيەنە وتىرىپ، تەرەزەدەن ونىمەن بىرگە قۇلاپ كەتكەن. سونداي-اق، كوبىنەسە قۇلاۋدىڭ سەبەبى ەرەسەكتەر بالالاردىڭ ءجۇرىس-تۇرىسىن قاداعالاماۋىنان، تۋىستارى مەن جاقىندارىنىڭ الاڭداماۋى، تەرەزەنى جابۋدى ۇمىتىپ كەتۋ، جيھازدى دۇرىس ورنالاستىرماۋ، بۇل بالالاردىڭ ءوز بەتىنشە تەرەزەگە شىعۋىنا مۇمكىندىك بەرەدى جانە ول جابىق تەرەزە ەلەسىن تۋعىزدىراتىن موسكيتتى توردىڭ بولۋىنا بايلانىستى.

اعىمداعى جىلدىڭ 2-توقسانىندا رەسپۋبليكا بويىنشا تەرەزەدەن ادام قۇلاعان 31 وقيعا (بارلىعى بالالار) بولعانىن اتاپ وتكەن ءجون، سونىڭ سالدارىنان 7 بالا قايتىس بولىپ، 24 ءارتۇرلى جاراقاتىمەن ەمدەۋ مەكەمەلەرىنە جاتقىزىلعان.

قايعىلى جاعدايلاردى بولدىرماۋ ءۇشىن اقمولا وبلىسى توتەنشە جاعدايلار دەپارتامەنتى قاۋىپسىزدىك شارالارىن مۇمكىندىگىنشە ساقتاۋ تۋرالى قالا تۇرعىندارى مەن قوناقتارىن ەسكەرتەدى.

1. كىشكەنتاي بالالاردى جالعىز قالدىرماڭىزدار؛

2. بالا شىعا المايتىنداي قىلىپ، تەرەزەدەن بارلىق جيhاز تۇرلەرىن جىلجىتىڭىز؛

3. موسكيتتى تورعا سەنبەڭىز! ولار بالالاردى قۇلاۋدان قورعاۋ ءۇشىن ارنالماعان، كەرىسىنشە جالعان ءقاۋىپسىز سەزىم قالدىرادى. وتە ءجيى بالالار تورمەن بىرگە قۇلايدى؛

4. مۇمكىندىگىنشە تەرەزەلەردى تومەنگى جاعىنان ەمەس، جوعارى جاعىنان اشىڭىز؛

5. تەرەزەلەرگە ارنايى بەكىتپەنى ورناتىڭىز، ولار بالاعا تەرەزەنى بىرنەشە سانتيمەتردەن ارتىق اشۋعا مۇمكىندىك بەرمەيدى؛

6. ەگەر ءسىز بالاعا تەرەزەدەن ءبىر نارسە كورسەتسەڭىز، بالانى كيىمىنەن ۇستاماي، بالانىڭ جىلدام قوزعالىسىنا دايىن بولىپ، ونى ءارقاشان مىقتى ۇستاڭىز؛

ءقاۋىپ پايدا بولعان كەزدە جانە قۇتقارۋ قىزمەتىنىڭ قاجەتتىگى تۋرالى ماڭىزدى اقپاراتتى حابارلاۋ ءۇشىن اقمولا وبلىسى توتەنشە جاعدايلار دەپارتامەنتىنىڭ ءبىرىڭعاي كەزەكشى-ديسپەچەرلىك قىزمەت باسقارماسىنا 112 تەلەفون ءنومىرى ارقىلى حابارلاسىڭىزدار.