تالاي ادامدى سان سوقتىرعان ساندۋعاش جۇمابەك 5 جىلعا قامالدى

/uploads/thumbnail/20170807142124569_small.jpg

فەيسبۋكتە الاياق رەتىندە ايىپتالعان ساندۋعاش جۇمابەك 5 جىلعا باس بوستاندىعىنان ايىرىلدى. سوت بۇگىن استانادا وتكەن، دەپ جازادى Qamshy.kz اقپارات اگەنتتىگى. بۇل تۋرالى ايگۇل ورىنبەك فەيسبۋكتەگى پاراقشاسى ارقىلى تىكەلەي ەفيرگە شىققاندا مالىمدەدى.

حالىقتان ءسۇيىنشى سۇراعان ايگۇل ورىنبەك ساندۋعاش جۇمابەكتى سوت زالىنان قاماۋعا الىپ كەتكەنىن ايتتى.

 «ۇكىم شىقتى. ساندۋعاش جۇمابەك 5 جىلعا باس بوستاندىعىنان ايىرىلدى، سوت زالىنان قاماۋعا الىندى. قوعامدا كوتەرىلگەن ماسەلە ءوز شەشىمىن تاپتى. ساندۋعاش جۇمابەك زاڭدى تۇردە ءوز جازاسىن الدى»، – دەي كەلە، وسى ىسكە سوڭىنا دەيىن اتسالىسقان دوستارىنا العىسىن ايتتى.

«قۋانىشىم كوككە جەتىپ وتىر. 20 جىل بويى جەزقازعاندىقتار بەرە الماي كەلگەن زاڭدى جازاسىن استاناداعى ءبىز بەردىك»، – دەدى ايگۇل ورىنبەك.

ونىڭ ايتۋىنشا، ساندۋعاش جۇمابەك الاياقتىقپەن ءار قالادان 14 پاتەر، ورالمانداردان 2 ميلليون دوللار العان. ورالمانداردى ءۇي، ازاماتتىق الىپ بەرەمىن دەپ الداعان.

«استانانىڭ وزىندە 200-300 ميلليونداي قارىزى بار»، – دەدى زاڭگەر.

سونداي-اق، ادام ساۋداسىمەن دە اينالىسقانىن تىلگە تيەك ەتتى. جاس قىزداردى تۇرىك ازاماتتارىنا ساتقان كورىنەدى. سوڭىندا قازاقستان ازاماتتارىنا ءوز اقىل-كەڭەسىن ايتتى: «وزدەرىڭىزدىڭ قۇقىقتارىڭىزدى ءبىلىپ جۇرىڭىزدەر!».

ساندۋعاش جۇمابەكتىڭ ءوزى بۇگىن فەيسبۋكتەگى پاراقشاسىنا «ورالاتىنىن» ايتىپ پوست قالدىرعان:

«نە عوي، سالىنباعان ءانىم كوپ، جازىلماعان جىرىم مول، ايتىلماعان ءسوزىم بار! مەن ورالامىن!!! قياداعى قيالىما قانات ءبىتىرىپ، اسۋداعى ارمانىمدى نوقتالايتىن كەز كەلدى! ەندى تەك ونەرىم-ومىرىم دەپ، ءوزىم ءۇشىن عۇمىر كەشەمىن! از-ماز قيىندىقتىڭ كۇرمەۋىن شەشۋ عانا قالدى! ول قولىمنان كەلەدى! تاۋبە! ال، ەندى اللا قولداپ، قورعان بولىپ، ەركەلەگەن ەلىك قىزدارىڭىزعا ساتتىلىك تىلەپ، اق جول دەپ قويىڭىزدار! ءومىر ساباعى قاشاننان اششى... تاعدىر تاياعى اۋىر... مىڭنان بىرەۋ كوتەرىپ، مىڭنان بىرەۋ عانا سىنىپ كەتپەي شىعا الادى... اللا رۋxىمىزدى بيىكتەتىپ، يمانىمىزدى بەكىتىپ، دەگەنىمىزگە جەتكىزە بەرسىن! جۇرەكتەگى وي دا، نيەت تە، كوكەيدەگى جاقسىلىق تا اللاعا عانا ايان! تەك اللا بىلەدى، اقيقاتتى! ءبىر اللا جار بولسىن!».

پىكىر قالدىرۋ

قاتىستى ماقالالار