اقش پرەزيدەنتى دونالد ترامپ اۋعانساتنعا كورسەتىپ جاتقان قولداۋىنىڭ شەكسىز ەمەس ەكەنىن مالىمدەدى، دەپ جازادى Qamshy.kz اقپارات اگەنتتىگى.

«امەريكا اۋعانستان بيلىگىمەن سەرىكتەستىكتى جالعاستىرادى. الايدا ءبىزدىڭ تاراپتان كورسەتىلەتىن كومەك ماڭگى بولماق ەمەس. ءبىزدىڭ قولداۋىمىز – كارت-بلانش ەمەس»، – دەدى ترامپ ۆاشينگتونعا جاقىن ايماقتاعى فورت-مايەر اسكەري بازاسىنداعى ارنايى ۇندەۋى بارىسىندا.

ترامپ ايتىپ وتكەندەي، «امەريكا حالقى ناقتى رەفورما مەن شىنايى ناتيجەلەردى كورۋدى كوزدەيدى».

اقش 2001 جىلعى 11 قىركۇيەكتە ورىن العان تەراكتىدەن كەيىن اۋعانستاندا انتيتەرروريستىك اسكەري وپەراسيانى باستاعان. كەيىننەن بۇۇ قاۋىپسىزدىك كەڭەسىنىڭ سانكسيالارى سالدارىنان ناتو-نىڭ قولباسشىلىعىمەن قاۋىپسىزدىكتى قامتاماسىز ەتەتىن حالىقارالىق كۇشتەرى ەگجەي-تەگجەي قارالدى. اقش پەن ISAF قولباسشىلىعىنداعى انتيتەرروريستىك كوالاسيا «تاليبان» جانە «ال-كايدا» اسكەرلەرىمەن سوعىس باستادى. 2014 جىلى ناتو ەلدەرىنىڭ اسكەري قۇراماسى اۋعانستاننان شىعارىلعان. 2015 جىلدىڭ 1 قاڭتارىنان باستاپ اسكەري وپەراسيا «ناقتى قولداۋ» ميسسياسىنا اۋىستى.

ءار جىلدارى اۋعانستانداعى امەريكالىق اسكەرلەردىڭ سانى ءارتۇرلى بولدى. ماسەلەن، باراك وباما پرەزيدەنت بولعان داۋىردە اسكەر سانى 100 مىڭ ادامعا دەيىن جەتكەن. الايدا كەيىننەن وباما يسلام رەسپۋبليكاسى بيلىگىنىڭ وتىنىشىمەن ەلدە 8،4 مىڭ اسكەر قالدىردى. ولار تاليبتەر مەن دايش ۇيىمىنا قارسى ارنايى وپەراسيا جۇرگىزدى.

پەنتاگوننىڭ رەسمي دەرەگىنە سۇيەنسەك، 2017 جىلدىڭ 21 تامىزىندا اقش بىرنەشە جىلدىڭ ىشىندە 2264 اسكەري قىزمەتكەرىنەن ايىرىلىپ، 20 مىڭنان استامى جارالانعان.