«ق ر كەيبىر زاڭنامالىق اكتىلەرىنە بيۋدجەت زاڭناماسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭ جوباسىندا بيۋدجەت زاڭناماسىنا 6 نەگىزگى باعىت بويىنشا تۇزەتۋلەر ۇسىنىلدى. بۇل تۋرالى ق ر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسىندا زاڭ جوباسىن تانىستىرعان ۇلتتىق ەكونوميكا ءمينيسترى تيمۋر سۇلەيمەنوۆ باياندادى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.
مينيستر ايتىپ وتكەندەي، «ق ر كەيبىر زاڭنامالىق اكتىلەرىنە بيۋدجەت زاڭناماسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى مەملەكەت باسشىسىنىڭ 2017 جىلعى 31 قاڭتارداعى قازاقستان حالقىنا جولداۋىندا بەرگەن تاپسىرمالارىن، ۇلتتىق قوردى قۇرۋ جانە پايدالانۋدىڭ جاڭا تۇجىرىمداماسىن، سونداي-اق پارلامەنت جانە ەسەپ كوميتەتىنىڭ ۇسىنىمدارىن ىسكە اسىرۋ ماقساتىندا ازىرلەنگەن.
زاڭ جوباسىمەن بيۋدجەت زاڭناماسىنا 6 نەگىزگى باعىت بويىنشا تۇزەتۋلەر ۇسىنىلۋدا. بۇل ورتالىق جانە جەرگىلىكتى دەڭگەيلەردەگى 1،5 مىڭنان استام قۇجاتتى قىسقارتۋعا مۇمكىندىك بەرەدى.
بيۋدجەتتىك باعدارلامالاردى ىسكە اسىرۋ كەزىندە اكىمشىنىڭ دەربەستىگىن كەڭەيتۋ اياسىندا بيۋدجەتتى ناقتىلاۋسىز بيۋدجەتتىك جوبالار اراسىندا قاراجاتتى قايتا ءبولۋ مۇمكىندىگىن قاراستىرۋ ۇسىنىلدى.
ءمجا جوبالارىن جوبالاۋ راسىمدەرىن جەڭىلدەتۋ ماقساتىندا بارلىق ۇدەرىستى 5-تەن 3 كەزەڭگە دەيىن قىسقارتۋ ۇسىنىلدى. بۇل ءمجا جوبالارىن ازىرلەۋ مەرزىمدەرىن 7 ايدان 3 ايعا دەيىن قىسقارتۋعا مۇمكىندىك بەرەدى. جاڭاشىلدىقتاردىڭ ءبىرى «باعدارلامالىق ءمجا» ەنگىزۋ بولىپ وتىر – جەكە سەرىكتەستى ىرىكتەۋ مەن جوبالاردى ىسكە اسىرۋدىڭ بارلىق راسىمدەرى قوسىمشا ساراپتاما جۇرگىزۋسىز مەملەكەتتىك جانە ۇكىمەتتىك باعدارلامالارداعى ءار سالا ءۇشىن جەڭىلدەتىلگەن فورمادا جازىلادى.
«سونداي-اق، بيۋدجەت ۇدەرىسىن جەتىلدىرۋدىڭ باسقا دا ماسەلەلەرى قارالدى. جالپى ۇسىنىلعان تۇزەتۋلەر بيۋدجەت قاراجاتىن ەكونوميكاعا جىلدامىراق جەتكىزۋگە، يگەرىلمەۋ سوماسىن ازايتۋعا، ءمجا جوبالارىنىڭ سانىن ارتتىرۋعا، سونداي-اق ۇلكەن دەربەستىك جاعدايىندا مەملەكەتتىك ورگانداردىڭ ۇلكەن جاۋاپكەرشىلىگىنە سەپتىگىن تيگىزەدى»، – دەپ تۇيىندەدى ت. سۇلەيمەنوۆ.
