حح عاسىر قازاق حالقى ءۇشىن ەڭ اۋىر دا اپاتتى، زۇلماتقا تولى عاسىر بولدى. ورىس يمپەرياسى قولدان جاسالعان زۇلىمدىققا تولى قاندى جوسپارلارى ارقىلى قازاق حالقىن جەر بەتىنەن جويىپ جىبەرىپ، ونىڭ كەڭ بايتاق دالاسىن كەۋدەسىنە ءبىرجولا باسقىسى كەلدى. قارا ارىپتەرمەن حالقىمىزدىڭ تاريحىندا قالعان ناۋبەتتەردى دەرەك كوزدەرىمەن سويلەتسەك، تومەندەگىدەي قارالى كارتينا پايدا بولادى:
1. 1909-1911 جىلدارى: ستولىپين رەفورماسى قازاق ەلىنە دە قاندى تىرناعىن سالدى.
2. 1914-1916 جىلدارى: ءبىرىنشى دۇنيەجۇزىلىك سوعىستا قازاقتاردى قارا جۇمىسقا ايداپ، تالايلاردى وققا بايلادى.
3. 1917-1922 جىلدارى: ازامات سوعىسىندا قىزىلدار مەن اقتاردىڭ شايقاستارىندا تالاي اۋىل جويىلدى؛ اشتىقتان 1 ملن. 500 مىڭ ادام قىرىلدى.
4. 1927-1931 جىلدارى: ون مىڭداعان بايلارىمىز تاركىلەنىپ، يتجەككەنگە ايدالدى.
5. 1931-1933 جىلدارى: 2 ملن. 300 مىڭ ادام اشارشىلىقتان قىناداي قىرىلدى، ميلليوندار بوسقىنشىلىققا ۇشىراپ، شەتەلدەرگە اۋدى.
6. 1937-1938 جىلدارى: 100 مىڭنان اسا زيالىمىز قۋعىن-سۇرگىن قۇرباندارىنا اينالدى، اتىلدى، يتجەككەنگە ايدالدى.
7. 1941-1945 جىلدارى: ەكىنشى دۇنيەجۇزىلىك سوعىس ەركەكتەرىمىزدىڭ جارتىسىن جالمادى.
8. 1946-1954 جىلدارى: تاعى دا ون مىڭداعان زيالى قاۋىم وكىلدەرى قۋعىن-سۇرگىنگە ۇشىرادى.
9. 1954-1956 جىلدارى: تىڭ جانە تىڭايعان جەرلەردى تىڭايتۋدى سىلتاۋراتىپ سولتۇستىك وڭىرلەرىمىزگە ماسكەۋ قىلمىسكەرلەردى ورنالاستىردى. 700 قازاق مەكتەبى جويىلدى.
10. 1986-1989 جىلدارى: جەلتوقسان، جاڭاوزەن كوتەرىلىستەرى اياۋسىز جانشىلدى. بۇعان تاۋەلسىزدىك ءۇشىن كۇرەسكە شىققان قازاقتاردىڭ 300-دەي باسىپ، جانشىلعان كوتەرىلىستەرىن قوسىڭىز!
مىنە، وسى قارالى كارتينا، ناۋبەتتەر كەيىنگى ۇرپاققا اششى ساباق بولۋى ءتيىس.
ەسكە ال، ۇمىتپا بۇل قاسىرەتتەردى، قازاعىم!
ايالا بايسەيىتتىڭ FB پاراقشاسىنان
