جىل سايىنعى ءۇردىس بويىنشا الماتىنىڭ جوعارعى وكۋ ورىندارى جەلتوقسان ايىنىڭ 5 نەن باستاپ تاۋەلسىزدىك كۇنىنە قىزۋ دايىندىق باستاپ كەتتى، جوسپاردان تىس بۇل دايىندىق جوعارى وقۋ وىندارىنىڭ ءبىر تالاي جوسپارىن وزگەرۋگە تۋرا كەلەدى. ياعني تاۋەلسىزدىك كۇنى اتاپ ءوتۋ مەن جەلتوقسان كوتەرىلىسىن ەسكە الۋ شارالارىنىڭ ورىنىنا ستۋدەنتتەردى تەزدەتىپ ۇيلەرىنە قايتارۋ دايىندىعى باستالدى، ءبۇعان بىردەن ءبىر سەبەپ الماتى قالاسىنىڭ جوعارعى وقۋ ورىندارىنىڭ رەكتورلارىنا جىبەرگەن ءبىلىم جانە عىلم مينيستىرلىگىنىڭ ۆيسە مينيستر تاحير بالىقبايەۆتىڭ قولى قويىلعان 2014 جىلدىڭ 4 جەلتوقسانىندعى 3-03-2/3099-11 نومەرىلى حاتى ەدى.

حات ءماتىنى وتە شۇعىل دەپ باستالىپ ءبىلىم الۋشىلارعا تاۋەلسىزدىك كۇنىنە ارنالعان 10 – 17 جەلتوقسان اراسىندا كانيكۋل ۇيىمداستىرۋدى جانە ەمتيحان سەسسياسىنىڭ كەستەسىن رەتكە كەلتىرۋدى تاپسىرعان بولاتىن.

بۇل حات كەلگەن بويدا بۇرىنعى 15- جەلتوقسانعا دەيىن قىسىتىق سەسسيانى اياقتايتىن جوعارعى وقۋ ورىندارى ەمتيحاندى 10 جەلتوقسانعا دەيىن بىتىرۋگە وزگەرىپ بۇكىل ستۋدەنتتەر مەن قىزمەتكەرلەردى تىك تۇرعىزدى. كۇنىنە بىرشە ەمتيحاننان قويىپ سەنبى، جەكسەنبى دەمالماي تاڭعى 8 دەن كەشكى 8 گە دەيىن جۇمىس ىستەپ بۇگىن ەمتيحاندارىن اياقتاعانداي بولدى.

تاۋەلسىزدىك كۇنىمزىدى ۇلىقتاپ دەمالىس بەرىپ جاتسا ارينە ول ءبىر قۋانىش قوي. ءبىراق، بۇل دەمالىس سول قۋانشتان گورى كوپ كۇمان تۋعىزادى. ۇكىمەت دەمالىس بەرسە نەگە تەك ستۋدەنتتەرگە بەرەدى، باسقالار قايدا قالدى، نەگە تەك بۇل حاتتى الماتى قالاسىنىڭ جوعارعى وقۋ ورىندارىنا جىبەرىپ وتىر. باسقا قالالاردىڭ ستۋدەنتتەرىنە بەرىلدى مە، بۇل ءبىر ماسەلە. ال جاس ۇرپاققا ءبىلىم مەن بىرگە ءتالىم بەرەر ءبىلىم وردالارىنا نەگە تاۋەلسىزدىكپەن جەلتوقساندى ەسكە الۋ شارالارىن وتكىزىپ بولعان سوڭ بارىپ دەمالىس بەرمەيدى.

ءبىر قىزىعى جوعارعى وقۋ ورىندارىنىڭ وكىلدەرى بۇل دەمالىستى وزدەرى وقۋ باعدارلامالارىنا سايكەس ۇيىمداستىرىپ وتىرعانىن ايتسا، ءبىلىم جانە عىلىم مينيستىرلىگىنىڭ وكىلى  : «ستۋدەنتتەردى دەمالىسقا جىبەرۋ ماسەلەسىنە ءبىلىم مينيسترلىگىنىڭ قاتىسى جوق، ول – جوعارى وقۋ ورىندارىنىڭ ىشكى ماسەلەسى» دەپ ءتۇسىندىردىپتى. ال سوندا بالىقبايەۆتىڭ تاپسىرماسى قايدا قالدى، 15-نە دەيىنگى تاپسىراتىن ەمتيحاندار 10-نا دەيىن اۋىسىپ، مۇعالىمدەر مەن ستۋدەنتتەردىڭ مۇرىنىنا نەگە سۋ جەتپەي ءجۇر؟! ازاتتىقتان مينيستىرلىك بەرگەن دەمالىسىن مينيستىرلىكتىڭ وكىلىنەن باستاپ جوعارعى وقۋ ورىندارى دا جاسىرىپ وتىر. عىلىم جانە ءبىلىم مينيستىرلىگى وزدەرى بەرگەن دەمالىستان ءوزى باس تارتقانى قالاي؟ بۇل دەمالىستىڭ قانداي ساياسي استارى بار؟

قازاق 86. الماتى