تالاپبەك تىنىسبەك ۇلى. 1982 جىلى قازاننىڭ 17- جۇلدىزىندا التاي ايماعى قابا اۋدانىندا تۋىلعان. ءال-فارابي اتىنداعى قازاق ۇلتتىق ۋنيۆەرسيتەتىنىڭ ماگيسترانتى. حالىقارالىق، ەسپۋبليكالىق جىر مۇشايرالارىنىڭ جەڭىمپازى، حالىقارالىق جازۋشىلار وداعىنىڭ، قازاقستان جۋرناليستەر وداعىنىڭ مۇشەسى.

اقىن شىعارمالارى «جاس تولقىن»، «قوشتاسقىم كەلمەيدى»، «ەگىز ارنا»، «گۇل كوكتەم»، «الاتاۋ جىرلايدى» قاتارلى جىر جيناقتارىنا ەنگىزىلگەن. www.talapbek.kz اۆتورلىق سايىتى جۇمىس جاسايدى. رەسپۋبليكالىق باسىلىمدارىندا ولەڭ، اڭگىمەلەرىمەن قوسا، سىن-عىلىمي ماقالالارى دا ۇزبەي جاريالانىپ كەلەدى.

 1986. ىزعىرىق 1986. ىزعىرىق، ەل كوڭىلى ەنشىلەدى مۇڭلى جۇك. تاعدىرىڭا تاڭبا سالار شىندىق ۇق، باس بولام دەپ باقىلداعان ءبىر مۇجىق.   1986. ىزعىرىق، وسى بولدى وزبىرلارعا تىڭ قىزىق. حالىق تەڭىز بۋىرقاندى شىڭ بۇزىپ، بوزداقتارىن بوستاندىققا قىرعىزىپ.   1986. ىزعىرىق، جەڭىس ءۇشىن جەڭ بايلاسىپ جىلجىدىق. جاستارىمىز اتالمادى قۇر بۇزىق، ۇل ۇجدانىن، ساقتاي ءبىلدى قىز قىلىق.   1986. ىزعىرىق، وكتەمدىكتى ور قاپتىردىق ءبىز جىعىپ. ۇلت رۋحى بۇعاۋلانعان ءۇزدى ءجىپ! ازا قىلۋ بۇگىن ەرەن ىزگىلىك، الەم حالقىن ورىنىنان تۇرعىزىپ. 1986. ىزعىرىق،   وسكەن ەل (تولعاۋ) تۋىلعاندا ءبىز وسىلاي وسكەن ەل، عۇمىر بويدا قيىر جايلاپ كوشكەن ول. عىلىم جولعا سالساداعى كەش بەدەر، بۇگىندە ايدا، دۇشپان بۇعىپ، دوس كونەر.   كوردىڭ زامان وشاق سىنىپ، وت ءسونار، قالدىڭبا امان ازاپ، مۇڭنان كوپ تونەر؟. قىراتتارىڭ قىزىل قاندى كەشكەن ەر، كوز جاسى ەلدىڭ دەسەم اناۋ كوپپە كول.   كەڭ حالىقپىز دۇشپان كۇلسە دوسپا دەر، ەر حالىقپىز ۇل تۋسا دەر وققا بەر. مال باعىپپىز كەندە قالىپ باسقا ونەر، قارمانىپپىز باسىپ وشپەس تاسقا ءمور.   وتكەن كۇنىڭ تاريحتان ەكشەلەر، جەتكەم جىرىن ورنەكتەۋگە تەك شەبەر. وسكەندىگىن ءور ەڭسەڭنىڭ شەت كورەر، وكتەمدى ەلدەر وسىلار دەپ كوشپەلەر.   كەزىڭ كەتتى شاڭىن جۇتىپ كوشكە ەرەر، سەنىمدى ەتتى بابا رۋحى دەس بەرەر. كومىلمەپتى سىرلارىڭ تاۋ، كوك كەمەر، بەزىلدەتتى قوس ىشەكتەن تەكتى ونەر.   ات ويناتىپ قىيا جارتاس بەتتەن ءور، اتويلاتىپ شىقساڭ جاۋىڭ سەسكەنەر. اتان باقىت جاتسادا وزگە جەتسە دەر، قاشاندا اشىق پەيىلىڭە ەل بەك سەنەر.   سارا ءتىلدى جىراۋ، جىرشى، توكپەلەر، دانا تۋدىڭ ەلدىگىڭە بەت، بەدەل. پاراتىڭنىڭ ايبىنى عوي دەپ كەلەر، ءار اقىننىڭ جىرىن وقىپ وپسە جەل.   عىلىممەنەن قىيىرلارعا بەتتەدى ەل، بۇگىن نەدەن نەسىبەمىز شەتتەلەر. كۇبىرلەگەن سىر ۇقتىرىپ كوككە جەر، مەنىڭ بايتاق مەكەنىمدى مەككە كور. ءاماندا اسىل، كوركەيە بەر وسكەن ەل. 17.06.05                                قايران ماعجان!          «مەن جاستارعا سەنەمىن»  ماعجان جۇمابايەۆ   قايران ماعجان، سەنگەن جاسىڭ ءبىز بولدىق، شىنى ارمان، «نۇرى» جالعان ىزگە ەردىك. ايران بولعان اقىلىما اقىنىم، ويران بولعان دارىمادى سىزدەن قۇت.   قايران ماعجان، ارمانداعان كۇن بە وسى؟ جالعانباعان ءۇمىتىمدى ۇزبەشى. ۇلتىم دەگەن ۇلعا مەكەن تۇرمەسى، قۇلقىن جەگەن قۋعا مەكەن مىنبەسى.   قايران ماعجان، قايدان ماعان وي سالدىڭ؟ قايعى ارمانىن تۇسىنەمىن قاي شالدىڭ؟! ۇلتىم دەسەڭ سىلكىنبەسە – بايسالدىم، مەن جاستاردان تايسالدىم. 29.05.09         ەسكەرتۋ   وتان دەسە وتقا ورانام ەلبەڭدەپ، ارمانىما كۋا مەنىڭ جەرمەن-كوك. قازاقستان دەگەن ەلدە الەمدە، قازاق ۇلتى سورلى دەسە سەنگەم جوق.   شەلدەنگەنىڭ نەگە كەرەك ەلدەن جەپ، ۇلت جاراسىن جازا الماسىڭ ەندى ەمدەپ. الاشىنىڭ ارىن ساتقان ساتقىندى، اناشىمنان تۋىلعالى كورگەم جوق.   وگەي ەلدە اتاق، مانساپ، وردەن كوپ، وپاسىزدىڭ وتىن جاعىپ بەرگەم جوق. اتامەكەن اۋاسى ورتاق باۋىرىم، باي قوراسىن كۇزەتۋگە كەلگەم جوق.   جاتقا جىلاپ جاستىق ءوتتى تەلمەڭدەپ، كوكڭىلىمدى شەڭبەكتەيدى شەر مەڭدەپ. كەڭ دالادا كەرىسپەلىڭ سەن، مەن دەپ، ەي باۋىرىم، ورىنىمدى بەر جوندەپ.   بابا جىرىن ايتسام ايتام بەزبەندەپ، سۇيەگىڭدى مۇجىمايمىن سوزبەن جەپ. اقىلىڭا كەل اعايىن، جاي عانا- جۇرە بەرەم بارلىعىنا توزگەن بوپ. 19.01.09  مايداندامىن مەكەنىم مەنىڭ بابادان قالعان كەڭ ايماق، توسىنە جورتقان كوك دونەن، قۋ باس، كوك ويناق. كوك تۋدىڭ نارقىن كورمەگەن ەرمىن كەم ويلاپ. كوك تۇرىك رۋحىن كورسەتەم ساعان كور ويناپ.   بەسىكتەن ەستىپ انمەنەن كۇيدىڭ كۇمبىرىن، ۇلىمىن ەلدىڭ نايزامەن كەسكەن كىندىگىن. وتاۋىن تىگىپ، تۇرگەندە وتان تۇڭلىگىن، تىرلىگىن ەلدىڭ توزدىرا الماق كىم بۇگىن؟. بەيبىت ەل بولدىق كوڭلىنەن انا شەر كەتكەن، شاتتىقتىڭ ءانى شىرقالدى بۇگىن جەر، كوكتەن. كوشپەلى ءجايىن كيگىز ۇيىمەن بەلگى ەتكەن، وت باسى مەنى مايدانعا سالدى جورگەكتەن.   نامىسقا جانىن، قىلىشىن قانعا سۋارىپ، ەرلەرىم وتكەن ەلدىگى ءۇشىن تۋ الىپ. تۇلپاردىڭ ءىزى توزدىرعان دالا قۋارىپ، پارلانعان قانعا اسپانىم مەنىڭ جىلىۋىق. ولىلەر ءۇنىن ەستيمىن كەيدە ءبىر اۋىق.   قورلانۋى ءولىم، تىلمەنەن ءدىنى، سالتىڭنىڭ، ارىمەن جانى تاۋەلدى وعان ءار كىمنىڭ. ايبىنىن جىرلاپ ازاتتىق تىككەن ار تۋدىڭ، مايدانىندامىن حالقىمنىڭ. وجدانسىز ەلدىڭ تۇسىنەر دەيسىڭ نارقىن كىم؟.   ەل ءۇشىن دەسە ەڭسەڭدى يمە ەسىل ەر، بابادان مۇرا امانات ساعان نەسىبە ول. يە بوپ مىناۋ دالانىڭ دارقان توسىنە ءور، كەرىستى كۇندە كەۋدەڭنەن قاندى كەشىپ ءول.