بۇل ۇندەۋ قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا استانا قالاسىندا 2014 جىلعى 9 جەلتوقساندا وتكەن حالىقارالىق سىبايلاس جەمقورلىققا قارسى كۇرەس كۇنىنە ارنالعان سىبايلاس جەمقورلىققا قارسى جاستار فورۋمىندا العاش رەت قابىلداندى.
قازاقستان – مىقتى مەملەكەت جانە ۇيىمشىل ۇلت!
ءبىز – استانا جاستارى، وسىپ-وركەندەگەن جانە كەمەلدەنگەن ەلدە ءومىر سۇرگىمىز كەلەدى!
ەلباسىنىڭ سىبايلاس جەمقورلىققا قارسى كۇرەستى كۇشەيتۋ جونىندەگى ساياساتىن تولىق قولداي وتىرىپ، ءبىز قازاقستاننىڭ بۇكىل جاستارىنا ۇندەۋ جاريالايمىز!
سىبايلاس جەمقورلىققا قارسى كۇرەستىڭ حالىقارالىق كۇنى:
ءبىز:
– ەلدىڭ جانە حالىقتىڭ ءال-اۋقاتىن ارتتىرۋدى؛
– جوعارى كاسىبيلىك جانە وتانعا ادال قىزمەت ەتۋدى؛
– ازاماتتاردىڭ مەملەكەتتىك قىزمەتكە دەگەن سەنىمىن ارتتىرۋدى؛
– اشىق ءارى ايقىن بيزنەستى قولدايمىز.
ءبىلىم الۋ، جۇمىس ىستەۋ، باسپانالى بولۋ مەن لايىقتى ءومىر ءسۇرىپ، قارتايۋ قۇقىعىن جۇزەگە اسىرا وتىرىپ، بىزدەر – جاس قازاقستاندىقتار، ەلدىڭ تابىستىلىعى مەملەكەتتىڭ قالىپتاسقان جۇمىسى مەن ازاماتتىق قوعامنىڭ بەلسەندى قولداۋىنا بايلانىستى ەكەنىن ناقتى ءتۇسىنۋىمىز كەرەك.
قازاقستان حالقىنا ارناعان «نۇرلى جول – بولاشاققا باستار جول!» جاڭا جولداۋىندا ءبىزدىڭ رەسپۋبليكامىزدىڭ پرەزيدەنتى نۇرسۇلتان ءابىش ۇلى نازاربايەۆ «جاستار – ءبىزدىڭ قوعامنىڭ تىرەگى» دەپ تاعى دا اتاپ ءوتتى. بىزگە ۇلكەن سەنىم ارتىلىپ جانە سىبايلاس جەمقورلىققا قارسى ىمىراسىز كۇرەس ساياساتىنا قاتىسۋىمىزدى كۇتەدى.
ءبىز سىبايلاس جەمقورلىقتىڭ كەز كەلگەن كورىنىستەرىنە «نولدىك» توزىمدىلىك جاعدايىن تۋعىزۋعا، سىبايلاس جەمقورلىققا قارسى مادەنيەتتى ناسيحاتتاۋعا، جەكە قۇقىقتىق ساۋاتتىلىقتى ارتتىرىپ، سىبايلاس جەمقورلىق مىنەز-قۇلىقتان ادامگەرشىلىك تۇرعىدان ارىلۋعا ءتيىسپىز. ءبىزدىڭ باستى قاعيداتتارىمىز – ادال ەڭبەك پەن ءوقۋ-بىلىم، زاڭداردى قۇرمەتتەۋ، ءادىل ءىس-قيمىلدار مەن ارەكەتتەر جاساۋ بولۋى ءتيىس.
ءبىزدىڭ ءارقايسىسىمىز كۇندەلىكتى ومىردە سىبايلاس جەمقورلىق كورىنىستەرىنە قارسى تۇرا ءبىلۋىمىز كەرەك!
ءبىز قازاقستاننىڭ جاستارىن:
– سىبايلاس جەمقورلىققا قارسى ءىس-قيمىل جالپى ۇلتتىق قوزعالىسىنىڭ وزەگى بولۋعا؛
– سىبايلاس جەمقورلىققا قارسى حالىقارالىق قوزعالىستى قولداۋعا؛
– قازاقستاننىڭ مىقتى نەگىزدەرىن نىعايتۋعا بار كۇش-جىگەرىن سالۋعا شاقىرامىز!
ءبىز – استانا جاستارى، ايتارىمىز، «سىبايلاس جەمقورلىققا جول جوق!».
