جاپونيادا قاردىڭ شامادان تىس مولشەردە تۇسكەنى سەبەپتى 9 ادام قازا تاپتى. بۇل تۋرالى ريا نوۆوستي حابارلايدى.
قازا تاپقانداردىڭ باسىم كوپشىلىگى اۋلاداعى قاردى تازالاپ جاتقان كەزىندە وقىس وقيعاعا تاپ بولعان. توكاماتي قالاسىندا ەگدە تارتقان كىسى ءۇي توبەسىن ۇيىلگەن قاردان تازالاماقشى بولعاندا شاتىردان قۇلاپ كەتكەن. وقيعا ورنىندا قازا تاپتى. قالالىق توتەنشە جاعدايلار قىزمەتىنىڭ مالىمەتىنشە قار بيىكتىگى 1،6 مەتردەن 2،4 مەترگە دەيىن جەتكەن. جەر ءۇي تۇرعىندارى جاۋعان قاردىڭ تولاستاعانىن كۇتپەستەن ءۇي شاتىرىن ومبى قاردان ارشۋعا ءماجبۇر . سەبەبى ءۇي شاتىرى اۋىر سالماقتاعى قاردى كوتەرە المايدى. وسىنداي تازالىق بارىسىندا اكيتا قالاسىندا ءبىر ايەل قازا تاپتى. توياما قالاسىندا 29-جاستاعى ءورت ءسوندىرۋ قىزمەتكەرى ومبى قاردى تازالاماق بولعاندا وپپا قارعا ءتۇسىپ كەتىپ قازا تاپتى. اۋا قىسىمىنىڭ سەيسەنبىدەن سارسەنبىگە قاراعان كۇنى كۇرت تومەندەۋىنىڭ اياعى داۋىل مەن توللاسسىز جاۋعان قارعا ۇلاسقان. جاپونيانىڭ سولتۇستىك اۋداندارى مەن جاپون تەڭىزى جاعالاۋىنداعى ەلدىمەكەندەر ورتالىق جانە باتىس اۋداندارى زارداپ شەگىپ وتىر. ەلەكتر ەنەرگيالارى مەن كولىك قوزعالىسى توقتاتىلىپ ۋاقىتشا مەكتەپتەر جابىلدى.
