قىتايداعى Apple كومپانياسىنىڭ جۇمىسشىلارى باسشىلىق بەكىتكەن ەڭبەك ءتارتىبى مەن جۇمىس جاعدايىنا نارازى. بۇل تۋرالى BBC News حابارلايدى.
وسى جاعدايدىڭ انىق-قانىعىنا جەتۋ ماقساتىندا BBC News ارناسىنىڭ ءتىلشىسى جاسىرىن جۋرناليستتىك زەرتتەۋ جۇرگىزگەن. قاراپايىم جۇمىسكەر رەتىندە كومپانياعا ورنالاسىپ دەمالىسسىز 18 كۇن بويى ەڭبەك ەتەدى. ەڭبەك كۇنىنىڭ اۋىرلىعى سونداي قىزمەتكەرلەر جۇمىس ورنىندا ۇيقىعا كەتەتىن بولعان.
جۇمىسشىلار 12 ساعات كەزەكپەن ەڭبەك ەتەدى ەكەن. كەي كۇندەرى جۇمىس كۇنى 16 ساعاتتان دا اسىپ وتىرعان. ءتىلشىنىڭ ايتۋى بويىنشا جۇمىسشىلاردىڭ شارشاعانى سونشا تۇرىپ تاماقتانۋعا دا ءالىڭ كەلمەيتىن كورىنەدى. بار ارمانىڭ جارتى ساعات جانتايۋ عانا بولادى،-دەيدى. ءبىراق كومپانيا بۇل شاعىمدارمەن كەلىسپەيدى ەكەن. باسشىلىقتىڭ ايتۋى بويىنشا Apple كومپانياسىنىڭ جۇمىسكەرلەرىنە جاسايتىن جاعدايىن باسقا ارىپتەستىك كومپانيالارى كورسەتپەيدى ەكەن. 2010 جىلى Apple تاۋارلارىن تاسىمالداۋشى Foxconn كومپانياسىندا دا جاعدايدىڭ جايسىزدىعىنان 14 قىزمەتكەر وز-وزىنە قول جۇمساعان بولاتىن.
