18 جەلتوقسان الماتى قالاسىنداعى ەسپەرەنزانىڭ سالتاناتتى سارايىندا اقىن ءلاززات يگىسىننىڭ «سول ءبىر داۋرەن» اتتى شىعارماشىلىق كەشى ءوتتى. كەش بارىسىندا «مەنىڭ ويىمشا» اتتى كىتابىنىڭ تۇساۋكەسەرى بولدى. اقىندار سەرىك قاپشىقباي، يران عايىپ، جاركەن بودەش، جازۋشى قابدەش ءجۇمادىلوۆ، العاشقى ۇستازى قاديشاۆ اپاي، جۋرناليست جاڭىل اپەتوۆا حانىم جاڭا كىتاپتىڭ لەنتاسىن قيىپ، وقىرمانعا ۇسىندى. يران عايىپ مىرزانىڭ وقىعان ولەڭى زالدى سىلتىدەي تىندىردى. الىستان ات باسىن بۇرىپ، اتامەكەنگە قونىستانعان قانداستارىنا جۇرەكجاردى ءسوزىن جەتكىزدى. ل. يگىسىننىڭ شىعارماشىلىعى تۋرالى د. بايتۇرسىن ۇلى قىسقاشا بايانداما جاسادى. ءسوز العان ك. ەلەمەس، ج. تابىن، ن. مۇحامەتحان سەكىلدى اۋزى دۋالى اعايىندار ويعا قونىمدى، ورىندى پىكىرلەرىمەن ەستە قالدى. اقىننىڭ سوزىنە جازىلعان اندەر شىرقالدى. «اۋلەتتىڭ التىن اناسى» دەگەن التىن القا تاققان اقىن حالىقارالىق ءتۇرسويدىڭ قۇتتىقتاۋىمەن قۋانىش بەسىگىندە تەربەتىلدى. س. نۇعمان، ە. ءماتقابىل ە. نۇرباي، ب. ءبامىش، ە. كاپ قىزى، ا. احمادي، م. قۇناپيا، م. شايماران، ت. تىنىسبەك قاتارلى قالامگەرلەر كەش شىرايىن اشا ءتۇستى. كەشكە دەمەۋشىلىك جاساپ، كىتاپتىڭ جارىق كورۋىنە ۇلەس قوسقان كاسىپكەرلەرگە جۇرت ريزاشىلىعىن ءبىلدىردى.

داۋلەتبەك بايتۇرسىن ۇلى، Facebook پاراقشاسىنان