ۋكراينا جىلىتۋ مەرزىمىن جانارماي قورىنىڭ وتە تومەن دەڭگەيىمەن باستاماق. ويتكەنى مەملەكەت جىلىتۋ ناۋقانىنا جانارماي قورىنىڭ رەكوردتىق ەڭ تومەنگى دەڭگەيىمەن كىرۋدە. مامانداردىڭ ايتۋىنشا، ۋكرايناعا كومىردى باسقا ەلدەردەن يمپورتتاۋدى تەز ارادا باستاۋ كەرەك. ەگەر كومىر جەتكىلىكسىز بولسا، وندا ەلدە ەنەرگەتيكا جەتىسپەۋشىلىگىنەن توتەنشە جاعداي ورناۋى مۇمكىن،- دەپ Qamshy.kz اقپارات اگەنتتىگى گازەتا.رۋ سايتىنا سۇيەنە وتىرىپ جازادى. 

ۋكراينانىڭ ۇكىمەتتىك ستاتيستيكا قىزمەتى بەرگەن مالىمەت بويىنشا، 2017 جىلدىڭ 1 قازانىندا تاس كومىردىڭ جالپى قورى 2،749 ملن. توننا بولعان. بۇل كورسەتكىش وتكەن جىلمەن سالىستىرعاندا، 33%-عا تومەن جانە قىركۇيەك ايىنا دەيىنگى جاعدايىنان 13،6%-عا قۇلدىراعان.

جانارمايدىڭ باسقا دا تۇرلەرىنەن قور ازايۋدا. ماسەلەن، 1 قازانعا ارنالعان مالىمەتكە سۇيەنسەك، بەنزين قورى 115،7 مىڭ توننا، بۇل وتكەن جىلمەن سالىستىرعاندا 28،4%-عا از، ال ديزەل جانارمايىنىڭ قورى 177،6 مىڭ توننا (14،3% تومەن)، مازۋت مولشەرى 154،7 مىڭ توننانى (13،8%) قۇرايدى.

وسى جىلى ۋكراينا دونباسستى ەكونوميكالىق بلوكاداعا قويىپ، ول جاقتان كومىر ساتىپ الۋدى دوعارعان. دونباسستىق كومىردىڭ ورنىنا كييەۆ جانارمايدى اقش-تان ساتىپ الۋدى باستاعان. ءبىراق بۇل باعا وتە جوعارى جانە ەكى جاق 700 مىڭ توننا كومىردىڭ ءبىر تونناسىن $133-قۇرايدى.