«ASAR» ۇەۇ-بيزنەس-مەملەكەت ءۇشجاقتى ىنتىماقتاستىق فورۋمى جىل سايىن رەسپۋبليكانىڭ ءتۇرلى وڭىرلەرىندە وتكىزىلەدى. بۇل تۋرالى قازاقستان رەسپۋبليكاسى ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ اتىراۋ قالاسىنداعى فورۋم بارىسىندا مالىمدەدى دەپ حابارلايدى Qamshy.kz اقپارات اگەنتتىگى.

«ۇەۇ-بيزنەس-مەملەكەت: ىنتىماقتاستىقتىڭ جاڭا كوكجيەكتەرى» پلەنارلىق سەسسياسىندا سويلەگەن سوزىندە مينيستر ن.ەرمەكبايەۆ «ASAR» فورۋمى «رۋحاني جاڭعىرۋ» باعدارلاماسىنىڭ اياسىندا وتكىزىلىپ وتىرعانىن ەسكە سالدى.

«ەلباسى ءوزىنىڭ باعدارلامالىق ماقالاسىندا «پاتريوتيزم كىندىك قانىڭ تامعان جەرىڭە، وسكەن اۋىلىڭا، قالاڭ مەن وڭىرىڭە، ياعني تۋعان جەرىڭە دەگەن سۇيىسپەنشىلىكتەن باستالادى» - دەگەن ويدى ايتا وتىرىپ، «تۋعان جەر» باعدارلاماسىن قولعا الۋدى ۇسىندى. وسىعان وراي، ءدىن ىستەرى جانە ازاماتتىق قوعام مينيسترلىگى «رۋحاني جاڭعىرۋ» باعدارلاماسىنىڭ «تۋعان جەر» ارنايى جوباسى اياسىندا «اتامەكەن» كىشى باعدارلاماسىن ىسكە اسىرۋدا. بۇگىنگى ءىس-شارا وسى باعدارلاماسىنىڭ اياسىندا وتكىزىلۋدە» - دەپ باياندادى مينيستر.

سونىمەن بىرگە، مينيستر «ASAR» ديالوگتىق الاڭىن وتكىزۋ مەملەكەت، ۇەۇ مەن بيزنەستىڭ ءۇشجاقتى ىنتىماقتاستىعىن دامىتۋ بويىنشا جۇيەلى جۇمىستى قۇرۋعا مۇمكىندىك بەرەدى دەپ اتاپ ءوتتى. الاڭ تۇراقتى سەرىكتەستىكتىڭ ىرگەتاسىن قالاپ، الەۋمەتتىك ماسەلەلەردى شەشۋگە ازاماتتىق قوعامدى بەلسەندىرۋدىڭ سەرپىلىسىن كۇشەيتەدى.

 «ءۇشجاقتى ىنتىماقتاستىقتى دامىتۋ بويىنشا جاڭا يدەيالاردى، يننوۆاسيالاردى تۇرلەندىرۋ ءۇشىن «ASAR» فورۋمى ەلىمىزدىڭ ءار ءتۇرلى وڭىرلەرىندە جىل سايىن وتكىزىلەتىن بولادى»، - دەپ باسا ايتتى نۇرلان ەرمەكبايەۆ.

ەسكە سالا كەتەيىك، اتىراۋدا «ASAR» ۇەۇ-بيزنەس-مەملەكەت ءۇشجاقتى ىنتىماقتاستىق ءبىرىنشى رەسپۋبليكالىق فورۋمى وتۋدە. ءىس-شارانىڭ ۇيىمداستىرۋشىلارى ق ر ءدىن ىستەرى جانە ازاماتتىق قوعام مينيسترلىگى، «اتامەكەن» ق ر ۇلتتىق كاسىپكەرلەر پالاتاسى جانە اتىراۋ وبلىسىنىڭ اكىمدىگى بولىپ تابىلادى.