قىرعىزستاننىڭ ورتالىق سايلاۋ كوميسسياسى 15 قازاندا وتكەن پرەزيدەنت سايلاۋىنىڭ تۇپكىلىكتى قورىتىندىسىن جاريالادى، دەپ Qamshy.kz اقپارات اگەنتتىگى ازاتتىق راديوسىنا سىلتەمە جاساپ حابارلايدى.

كوميسسيا ءتوراعاسىنىڭ ورىنباسارى ابدىجاپار بەكماتوۆ قورىتىندى حاتتامانى وقىپ بەردى. ول بويىنشا، قىرعىزستان سوسيال-دەموكراتيالىق پارتياسىنىڭ (قسدپ) ۇمىتكەرى سوورونباي جەەنبەكوۆ 920 مىڭ 620 داۋىس (54،22 پايىز)، ءوزىن ءوزى ۇسىنعان ومۋربەك بابانوۆ - 568 مىڭ 680 داۋىس (33،49 پايىز) جيناعان.

ءۇشىندى ورىندى "بۋتۋن كىرگىزستان" پارتياسىنىڭ ءتوراعاسى اداحان مادۋماروۆ الدى. وسك مالىمەتى بويىنشا، مادۋماروۆقا سايلاۋشىلاردىڭ 110 مىڭ 284ء-ى (6،57 پايىز) داۋىس بەرگەن.

"بارلىعىنا قارسى" داۋىس بەرگەن سايلاۋشىلار سانى 12 مىڭ 171ء-نى (0،73 پايىز) قۇراعان.