دونالد ترامپ تەحاستاعى شىركەۋدە بولعان اتىس قۇرباندارىن ەسكە الۋ ءۇشىن اقش تۋلارىن «9 قاراشا كۇن باتقانعا دەيىن» تومەن تۇسىرۋگە بۇيرىق بەردى، دەپ حابارلايدى Qamshy.kz اقپارات اگەنتتىگى. 

تەحاستاعى شىركەۋدە ورىن العان اتىستى ترامپ «زورلىق-زومبىلىقتىڭ ماعىناسىز ارەكەتى» دەپ اتادى. قاندى قىرعىنعا بايلانىستى اق ۇيدە جانە بارلىق مەملەكەتتىك عيماراتتاردا، اسكەري بازالاردا، اقش-تىڭ فەدەرالدى ۇكىمەتىنىڭ كەمەلەرىندە، ەلشىلىكتەر مەن وكىلدىكتەردە تۋلار تومەن تۇسىرىلەدى.

اقش-تاعى بۇل وقيعا رەسمي ازا تۇتۋ بولىپ سانالادى.

ەستەرىڭىزگە سالا كەتەيىك، تەحاستاعى باپتيستتىك شىركەۋدە اتىس كەزىندە 27 ادام قازا تاپقان بولاتىن. اتىستى اقش-تىڭ اۋە كۇشتەرىندە قىزمەت ەتكەن 26 جاستاعى ديەۆين كەللي جاساعان.

قىلمىسكەر شىركەۋدەن شىققاندا وعان جەرگىلىكتى تۇرعىندار وق اتا باستاعان. كەيىنىرەك قىلمىسكەر اۆتوكولىگىندە ءولى كۇيىندە تابىلدى.