الماتى پوليسياسى ستريپتيز-كلۋبتىڭ باسشىسى مەن ونىڭ اكىمشىسىن جەڭگەتايلىق ارەكەتى ءۇشىن ۇستادى دەپ حابارلايدى Qamshy.kz اقپارات اگەنتتىگى الماتى قالالىق ءىىد-نىڭ باسپا ءسوز قىزمەتىنە سىلتەمە جاساپ.
كلۋبتا جاسالعان قىلمىستىق ارەكەتتى اشكەرەلەۋ ءۇشىن ۇيىمداسقان قىلمىسپەن كۇرەس باسقارماسى تەكسەرۋ جۇمىستارىن جۇرگىزدى.
«كلۋب باسشىسى مەن اكىمشىسى قوناقتارعا جەڭىل ءجۇرىستى قىزداردىڭ قىزمەتىن ۇسىنعانى ءۇشىن كۇدىكتى دەپ تانىلدى. كلۋب باسشىسى جەزوكشەلەردى $300 ساتىپ وتىرعان. ەگەر قوناققا قوسىمشا ەرەكشە جاعدايداعى بولمە قاجەت بولسا قىزمەت قۇنى جوعارىلايتىن. تەكسەرۋ جۇمىسى كەزىندە 22 جەڭىل ءجۇرىستى قىز ۇستالدى. ونىڭ ۇشەۋى رەسەي ازاماتشاسى جانە ەكەۋى وزبەكستان ازاماتشاسى» دەدى الماتى قالاسىنىڭ ءىىد-نىڭ ۇيىمداسقان قىلمىسپەن كۇرەس باسقارماسىنىڭ باسشىسى بەرىك ابىلبەكوۆ.
