مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ ءوزىنىڭ Facebook-تاعى پاراقشاسىندا ۇلتتىق بيۋروداعى جاڭا تاعايىنداۋلار جايىندا حابارلاپ، جاڭا كومەكشىسىن تانىستىردى دەپ جازادى Qamshy.kz اقپارات اگەنتتىگى.

«بۇگىن اپپارات جينالىسىندا زاڭناما ماسەلەلەرى بويىنشا جاڭا كومەكشىم حاكىم قۇشقالييەۆتى ۇجىمعا تانىستىردىم. ول ۇزاق جىلدار بويى پروكۋراتۋرا ورگاندارىندا ءتۇرلى باسشىلىق قىزمەتتەردى اتقاردى، پارلامەنت ءماجىلىسىنىڭ دەپۋتاتتىعىنا سايلاندى، قورشاعان ورتانى قورعاۋ ۆيسە-مينيسترى بولدى»، - دەدى اليك شپەكبايەۆ.

ونىڭ ايتۋىنشا، ۇلتتىق بيۋرودا ەكى بىردەي جاڭا تاعايىنداۋ جاسالعان.

«ىشكى قاۋىپسىزدىك باسقارماسىنىڭ جەتەكشىسى بولىپ ۇلتتىق قاۋىپسىزدىك پودپولكوۆنيگى بايانعازين ەرنار، تەرگەۋ دەپارتامەنتى جەتەكشىسىنىڭ ورىنباسارى بولىپ ىشكى ىستەر ورىندارىندا 20 جىلدىق تاجىريبەسى بار جۇماعالي اسحات تاعايىندالدى. دوستار، اگەنتتىكتەگى جاڭا تۇلعالاردى الداعى ۋاقىتتا دا سىزدەرگە تانىستىرا بەرەمىن»، - دەدى اليك شپەكبايەۆ.