بەلگىلەنبەگەن ورىنداردا ناماز وقىعانىڭىز ءۇشىن 200 مرپ (481 مىڭ تەڭگە) -عا دەيىن ايىپپۇل تولەيسىز. بۇل تۋرالى اتىراۋ وبلىسى ءدىن ىستەرى باسقارماسىنىڭ باسشىسى قاحارمان مۋسايەۆ حابارلادى، دەپ جازادى Qamshy.kz اقپارات اگەنتتىگى كازتاگ مالىمەتىنە سۇيەنىپ.

2017 جىلى اتىراۋداعى قوعامدىق بىرلەستىكتەردىڭ بىرىنە بەلگىسىز جەردە وقىلعان جۇما نامازى ءۇششىن ايىپپۇل سالىنعان.

«بۇل بۇزۋشىلىق. بىرلەستىككە 453 مىڭ تەڭگەگە دەيىن ايىپپۇل سالىندى. سونداي-اق سوت شەشىمىمەن قاۋىمداستىقتىڭ قىزمەتى ءۇش ايعا دەيىن توقتاتىلدى»، - دەدى اتىراۋ وبلىسى ءدىن ىستەرى باسقارماسىنىڭ باستىعى قاحارمان مۇسايەۆ.

قاحارمان مۇسايەۆتىڭ ايتۋىنشا، قازىرگى ۋاقىتتا اتىراۋ وبلىسىندا مەشىتتەردەن وزگە نامازعا ارنالعان ءۇش ورىن بار. ونىڭ ءبىرى «دينا» بازارىندا، ال قالعان ەكەۋى ساۋدا ورتالىعىندا.

«ق ر ءدىني قىزمەت جانە ءدىني بىرلەستىكتەر تۋرالى، اتاپ ايتقاندا ءدىني سالت-جورالاردى، راسىمدەر مەن جينالىستاردى رۇقسات ەتىلمەگەن جەرلەردە وتكىزۋ» ق ر اكىمشىلىك كودەكسىنىڭ 490-بابىنىڭ 1-تارماعىنا سايكەس ايىپپۇل تۇرىندەگى اكىمشىلىك جاۋاپكەرشىلىككە تارتىلۋعا اكەپ سوعادى

قازتاگ-تىڭ مالىمەتىنشە، بۇدان بۇرىن قازاقستاندىق يمام قوعامدىق مەكەمەلەردىڭ اۋلاسىندا ناماز وقۋدى يسلام ەمەس، كوزبوياۋشىلىق دەپ اتاعان. يمامنىڭ بۇلاي ايتۋىنا اقتوبەدەگى مەكتەپتىڭ اۋلاسىندا ناماز وقىعان ءتورت ايەلدىڭ ارەكەتى سەبەپ بولعان.

«بۇل يسلام ەمەس، جاي عانا ەلگە كورسەتۋ. كوشەدە، اۋلادا بۇلاي ناماز وقۋعا تىيىم سالىنادى. بولمايدى. مۇنى سوڭى بۇلىكپەن اياقتالادى»، - دەگەن ەدى ايەلدەردىڭ اكسياسىنا قاتىستى يمام بولاتبەك نۇرمانوۆ.