ءتيىمدى مەملەكەتتىك باسقارۋدىڭ بەرەرى كوپ. ەلباسى جولداۋىنا قاتىستى ق ر پارلامەنتى سەناتىنىڭ دەپۋتاتى مارات تاعىموۆ وسىلاي ءمالىم ەتتى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

سەناتوردىڭ ايتۋىنشا، مەملەكەت باسشىسى نۇرسۇلتان نازاربايەۆتىڭ قازاقستان حالقىنا كەزەكتى جولداۋى ءتورتىنشى ونەركاسىپتىك ريەۆوليۋسيا جاعدايىنداعى ەلىمىزدى جاڭعىرتۋ بويىنشا شارالار باعدارلاماسىن قامتيدى.

«ەلباسىمىزدىڭ الىستى بولجاعان كورەگەن ساياساتى ناتيجەسىندە ءبىزدىڭ ەلىمىز جوعارى بەلەستەردى باعىندىردى: قازاقستان 2017 جىلى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولدى، جاڭا جىلدان باستاپ ءبىز وعان ءتوراعالىق ەتۋدەمىز. تمد ەلدەرى اراسىندا ءبىرىنشى بولىپ بۇكىلالەمدىك مامانداندىرىلعان ەكسپو كورمەسىن وتكىزدىك. پرەزيدەنتىمىز ءوزىنىڭ جولداۋىندا ءبىزدى قول جەتكىزگەن بيىكتەرىمىزدە توقتالىپ قالماۋعا شاقىردى جانە كوكەيىمىزدە ەرتەڭگى كۇنگە سەنىمدىلىكتى ورنىقتىردى. ەلباسى ءبىزدىڭ الدىمىزعا قازاقستاندى دامىتۋدىڭ جانە الەمنىڭ 30 نەعۇرلىم دامىعان ەلدەرىنىڭ قاتارىنا ەنۋ بويىنشا 10 نەگىزگى مىندەتتەردى قويىپ وتىر»، - دەيدى مارات تاعىموۆ.

سەنات دەپۋتاتى جولداۋدىڭ كۇندەلىكتى ءومىردىڭ ەڭ كوكەيكەستى دەگەن سالالارىنا نازار اۋدارا وتىرىپ، ەل دامۋىنىڭ نەعۇرلىم ماڭىزدى باعىتتارىن اشىپ كورسەتەتىنە توقتالا كەتتى.

«سولاردىڭ ىشىندەگى سەگىزىنشى مىندەت - «ءتيىمدى مەملەكەتتىك باسقارۋ» اۋقىمىندا «ءبىر تەرەزە» قاعيداتى بويىنشا بيزنەسكە مەملەكەتتىك قولداۋ كورسەتۋ ۇدەرىستەرىن سيفرلاندىرۋدى قامتاماسىز ەتۋ قاجەت» دەگەن مىندەت العا قويىلىپ، «مەملەكەتتىك ورگانداردىڭ اقپاراتتىق جۇيەلەرىنىڭ ينتەگراسياسى «ءبىر ءوتىنىش» قاعيداتى بويىنشا جەكەلەگەن مەملەكەتتىك قىزمەت كورسەتۋدەن كەشەندى قىزمەت كورسەتۋگە كوشۋگە مۇمكىندىك بەرەتىندىگى» ايتىلادى. نۇرسۇلتان ءابىش ۇلى ءوزىنىڭ جولداۋىندا كۇندەلىكتى ءومىردىڭ ەڭ كوكەيكەستى دەگەن سالالارىنا نازار اۋدارا وتىرىپ، ەل دامۋىنىڭ نەعۇرلىم ماڭىزدى باعىتتارىن اشىپ كورسەتەدى. بۇنىڭ ءوزى مەملەكەت تاراپىنان قابىلدانىپ وتىرعان بارلىق شارالاردىڭ قازاقستاندىقتاردىڭ ءال-اۋقاتىن جاقسارتۋعا، ەلىمىزدىڭ ەكونوميكاسىن، الەۋمەتتىك سالانى دامىتۋعا باعىتتالعانىن تاعى دا ءبىر مارتە كورسەتەدى»، - دەدى ول.

مارات تاعىموۆ قازاقستاندىق يندۋستريا بارىنەن بۇرىن جاڭا تەحنولوگيانى ەنگىزۋدىڭ باستاۋشىسى بولۋى ءتيىس دەگەن پىكىردە.

«بىزگە بۇعان وندىرىستىك پروسەستەردى سيفرلاندىرۋ جانە زاماناۋي بيزنەس-مودەلدەردى يگەرۋ ارقىلى ەڭبەك ونىمدىلىگىن ارتتىرۋ ەسەبىنەن قول جەتكىزۋگە بولادى. بانك جۇيەسىن ساۋىقتىرۋ، اگروونەركاسىپ كەشەنىن، كولىك جانە لوگيستيكالىق ينفراقۇرىلىمدى دامىتۋ ەسەبىنەن قارجى سەكتورىنىڭ جۇمىسىن كوبەيتۋگە بايلانىستى ماسەلەلەر دە كۇن تارتىبىندە تۇر. زاڭ ۇستەمدىگىن نىعايتۋ جانە سىبايلاس جەمقورلىقپەن كۇرەسكە قاتىستى جايلارعا دا ەرەكشە نازار اۋدارىلادى. وسىعان بايلانىستى مەملەكەت باسشىسى مەملەكەتتىك ورگانداردا ولاردىڭ تۇرعىندارمەن جانە بيزنەسپەن ءوزارا ارەكەتىن، سونداي-اق سوت جانە قۇقىق قورعاۋ جۇيەلەرىنىڭ ينستيتۋسيونالدىق قايتا قۇرىلىمىن قامتي وتىرىپ، پروسەستەردى سيفرلاندىرۋدى قاجەتتىلىك دەپ سانايدى. ازاماتتاردىڭ كونستيتۋسيالىق قۇقىقتارى كەپىلدىگىن نىعايتۋ، قۇقىق ۇستەمدىگىن قامتاماسىز ەتۋ، قۇقىق قورعاۋ قىزمەتىن ىزگىلەندىرۋ بويىنشا جۇمىستار كۇشەيتىلە تۇسەتىن بولادى»، - دەدى سەناتور.

مارات تاعىموۆ پرەزيدەنتتىڭ كەزەكتى جولداۋى ەلىمىزدى ودان ءارى جاڭعىرتۋدىڭ ماڭىزدى ىنتالاندىرۋشىسى، سونداي-اق ءاربىر قازاقستاندىق ءۇشىن ىس-ارەكەتكە باسشىلىق رەتىندە قىزمەت ەتەتىنىنە سەنىمدى.

«ءبىزدىڭ ەلىمىزدە جاڭا الەمنىڭ كوش باستاۋشىلارى قاتارىنا ەنۋ ءۇشىن بارلىق جاعداي مەن مۇمكىندىكتەر بار. بۇل ءۇشىن ەلباسىمىز الدىمىزعا قويىپ وتىرعان مىندەتتەردى شەشۋگە جۇمىلا كىرىسۋىمىز قاجەت»، - دەدى ول.