ۇلتتىق بيۋرو ەكس-اكىم رىسقالييەۆتى تەرگەۋگە شاقىردى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساي وتىرىپ. سىبايلاس جەمقورلىققا قارسى ءىس-قيمىل ۇلتتىق بيۋروسى اتىراۋ وبلىسىنىڭ بۇرىنعى اكىمى بەرگەي رىسقالييەۆكە قاتىستى قىلمىستىق ءىستى قاراپ جاتىر.

ايتا كەتەيىك، بيۋرو ەكس-اكىمنەن باسقا ءرىسقاليدىڭ، ءالباقاسوۆتىڭ جانە تاعى دا باسقالاردىڭ ءىسىن تەرگەپ جاتىر. مامانداردىڭ حابارلاۋىنشا، تەرگەۋ بارىسىندا بۇرىنعى اكىم مەن ونىڭ سىبايلاستارىنىڭ زاڭعا قايشى ارەكەتتەرمەن اينالىسقانىن دالەلدەيتىن دەرەكتەر انىقتالدى.

«جينالعان ماتەريالدار كۇدىكتىلەردىڭ زاڭعا قايشى جاسالعان، قىلمىستىق توپ قۇرۋ جانە ونى باسقارۋ، لاۋازىمدى اسىرا پايدالانۋ، مەملەكەتتىك مۇلىكتى جانە بيۋدجەت قاراجاتىن الاياقتىق جولمەن توناۋ جانە يەمدەنۋ، پارا الۋ، سونىمەن قاتار، ونى كەيىن زاڭداستىرۋ ارەكەتتەرىن دالەلدەيتىن مالىمەتتەردى تابۋعا جول اشتى»، - دەلىنگەن حابارلامادا.

باسپا ءسوز قىزمەتىنىڭ حابارلاۋىنشا، ق ر قپك 208-بابى 1-بولىگىنە سايكەس، كۇدىكتى شاقىرتۋ ارقىلى تەرگەۋگە شاقىرىلادى. الايدا، رىسقالييەۆ، رىسقالي، ءالباقاسوۆ جانە وزگە دە كۇدىكتىلەردىڭ قازاقستان رەسپۋبليكاسىنان تىس جەردە بولۋىنا جانە كەلۋدەن جالتارعاندارىنا بايلانىستى، سىبايلاس جەمقورلىققا قارسى قىزمەت ق ر قپك 205-بابى 3-بولىگىن باسشىلىققا الا وتىرىپ، كۇدىكتىلەردى تەرگەۋگە شاقىرتۋدى بۇقارالىق اقپارات قۇرالدارى ارقىلى جاريالادى.

«كۇدىكتى رىسقالييەۆ، رىسقالي، ءالباقاسوۆ، جەلدىبايەۆ، ءىزباسار، سۇلەيمەنوۆ، جولماعامبەتوۆ، تەمىرالين جانە دانيەۆيچ جەدەل-تەرگەۋ توبى ولاردىڭ قاتىسۋىمەن تەرگەۋ شاراسىن وتكىزۋ ءۇشىن، 2018 جىلدىڭ 2 ناۋرىزى ساعات 10.00-گە دەيىن، قازاقستان رەسپۋبليكاسى، استانا قالاسى، سەيفۋللين كوشەسى، 37 مەكەنجايىندا ورنالاسقان سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ اكىمشىلىك عيماراتىنا كەلۋى ءتيىس»، - دەلىنگەن حابارلامادا.

ايتا كەتەيىك، كۇدىكتى تەرگەۋ شاراسىنا قورعاۋشىسىن شاقىرا الادى نەمەسە قورعاۋشى بەرۋ تۋرالى ءوتىنىش جازا الادى. ەگەر قورعاۋشىنى كۇدىكتى نەمەسە ونىڭ زاڭدى وكىلدەرى، تاپسىرماسى بويىنشا قاتىساتىن وزگە دە تۇلعالار شاقىرمايتىن بولسا، قورعاۋشىنى ورگان بەرەدى. ەگەر بەلگىلەنگەن ۋاقىتتا كەلۋگە كەدەرگى قانداي دا ءبىر سەبەپ بولسا، قورعاۋشىنى قاتىستىرۋ جونىندە ءوتىنىش بولسا، كۇدىكتى نەمەسە ونىڭ زاڭدى وكىلى قىلمىستىق تەرگەۋدى جۇرگىزەتىن ورگانعا الدىن الا ەسكەرتۋى ءتيىس.